తమిళ స్టార్ హీరో విశాల్ ప్రస్తుతం చక్ర మూవీ నటిస్తున్నారు. ఈమూవీ షూటింగ్ ఇటివలే పూర్తైంది. ఎంఎస్ ఆనందన్ బాలసుబ్రమణ్యం దర్శకత్వం వహిస్తోన్న ఈ చిత్రంలో శ్రద్ధా శ్రీనాథ్ హీరోయిన్‌గా నటిస్తోంది. సైబర్ క్రైమ్ నేపథ్యంలో యాక్షన్ ఎంటర్ టైనర్‌గా తెరకెక్కిన ఈ మూవీ ఫస్ట్ లుక్‌కి మంచి స్పందన రావడంతో ఇటివలే ట్రైలర్ ను విడుదల చేశారు చిత్రయూనిట్. ఈమూవీ ట్రైలర్ కు అద్భుతమైన స్పందన వస్తుంది. ప్రస్తుతం ఈ మూవీ విడుదలకు సిద్దంగా ఉంది. అయితే లాక్ డౌన్ కారణంగా థియేటర్లు మూసి ఉండటంతో విడుదల వాయిదా పడింది.
తాజాగా ఉన్న సమాచారం మేరకు ఈమూవీని ఓటీటీ ప్లాట్ ఫామ్ లో రిలీజ్ చేయనున్నట్లు తెలుస్తుంది. ఇప్పటికే సంప్రదింపులు పూర్తైనట్లు సమాచారం. విశాల్ మొదటిసారిగా తన సినిమాను ఆన్ లైన్ లో విడుదల చేస్తున్నాడు. థియేటర్లు మూసిఉండటంతో చాలా మంది సినీ ప్రేక్షకులు ఓటీటీ లో సినిమాలు చూస్తున్నారు. దీంతో ఓటీటీ ప్లాట్ ఫామ్ కు మంచి డిమాండ్ ఏర్పడింది. తెలుగులో కూడా విశాల్ కు మంచి ఫాలోయింగ్ ఉండటంతో కలెక్షన్లు భారీగా రావచ్చని అంచనా వేస్తున్నారు నిర్మాతలు.
