టాలీవుడ్ లో చాలా మంది హీరోలు, క‌మెడీయ‌న్లు, ద‌ర్శ‌కులు చాలా మంది నిర్మాత‌లుగా మారారు. తాజాగా మ‌రో స్టార్ ద‌ర్శ‌కుడు నిర్మాత‌గా మార‌నున్న‌ట్లు తెలుస్తుంది. ద‌ర్శ‌కుడు హరీశ్ శంకర్ త్వ‌ర‌లోనే ఓ సినిమాను నిర్మించ‌నున్న‌ట్లు ఫిలిం వ‌ర్గాల స‌మాచారం. ఈ సినిమాతో కొత్త ద‌‌ర్శ‌కుడిని ప‌రిచ‌యం చేయ‌నున్న‌ట్లు తెలుస్తుంది. ఇందుకు సంబంధించిన ఏర్పాట్లు పూర్తైన‌ట్లు స‌మాచారం. గీతా ఆర్ట్స్ బ‌న్ని వాసుతో క‌లిసి హరీశ్ శంకర్ సినిమా ప్లాన్ చేశాడ‌ట. ఇప్ప‌టికే ఈమూవీకి సంబంధించిన స్క్రీప్ట్ వ‌ర్క్ పనులు పూర్తైన‌ట్లు తెలుస్తుంది.
గీతా ఆర్ట్స్2, హరీశ్ శంకర్ కాంబినేష‌న్ లో తెర‌కెక్క‌నున్న సినిమా పై భారీ అంచ‌నాలు నెల‌కొన్నాయి. హీరో ఎవ‌రు అన్న దానిపై క్లారిటీ రావాల్సి ఉంది. హరీశ్ శంకర్ ప్ర‌స్తుతం ప‌వ‌న్ క‌ళ్యాణ్ తో చేయ‌బోయే స్క్రీప్ట్ వ‌ర్క్ ప‌నుల్లో బిజిగా ఉన్నాడు. వకీల్ సాబ్ మరియు క్రిష్ దర్శకత్వంలో సినిమాలు పూర్తి చేసిన తర్వాత హరీష్ శంకర్ మూవీని చేసే అవకాశం ఉంది. ద‌ర్శ‌కుడిగా త‌న మార్క్ చూపించిన హరీశ్ శంకర్ నిర్మాత‌గా ఏ మేర‌కు స‌క్సెస్ అవుతాడో చూడాలి.
