- Advertisement -
ప్రభాస్ హీరోగా ‘మహానటి’ ఫేమ్ నాగ్ అశ్విన్ ఒక సినిమాని డైరెక్ట్ చేయనున్న సంగతి తెలిసిందే. ఈ ఆసక్తికర కాంబినేషన్ ను సాధ్యం చేసిన సంస్థ వైజయంతీ మూవీస్. నాగ్ అశ్విన్ వినిపించిన కథ బాగా నచ్చి, ఆయన దర్శకత్వంలో సినిమా చెయ్యడానికి ప్రభాస్ అంగీకరించారు. ఇప్పటివరకూ చేయని తరహా పాత్రలో, ఒక కొత్త జానర్‌లో ప్రభాస్‌ను నాగ్ అశ్విన్ చూపించనున్నారు.
పాన్ ఇంటర్నేషనల్ మూవీగా సినిమా తెరకెక్కుతుండగా తాజాగా సినిమాకు సంబంధించి మరో అప్ డేట్‌ వచ్చేసింది. సినిమా కథ సైన్స్.. దేవుడు అనే అంశాల చుట్టూ తిరుగుతుందట. 2022 ఏప్రిల్‌లో సినిమా విడుదల కానుంది.
ప్రభాస్ ప్రస్తుతం ‘జిల్’ ఫెమ్ రాధాకృష్ణ దర్శకత్వం లో సినిమా చేస్తున్న విషయం తెలిసిందే . ఈ సినిమాలో పూజ హెగ్డే హీరోయిన్ గా నటిస్తుండగా కరోనా కారణంగా ఈ సినిమా షూటింగ్ వాయిదా పడింది.
- Advertisement -
