యువీకి సచిన్ రిటర్న్ ఛాలెంజ్‌..!

భారత లెజెండ్ క్రికెటర్ సచిన్‌ టెండూల్కర్‌కు యువరాజ్ సింగ్‌ ‘కీప్ ఇట్ అప్’ ఛాలెంజ్‌ను ఇచ్చిన సంగతి తెలిసిందే. ఈ ఛాలెంజ్‌ను స్వీకరించిన సచిన్‌…..యువరాజ్‌కు రిటర్న్ ఛాలెంజ్ ఇచ్చారు.

తన ఛాలెంజ్ ను కళ్ళకు గంతలు కట్టుకొని పూర్తి చేసిన సచిన్‌… యువరాజ్‌కు తిరిగి ఆ సవాలు విసిరాడు. యువీ, మీరు నాకు చాలా సులభమైన ఛాలెంజ్ ఇచ్చారు. కాబట్టి ఇప్పుడు నేను మీకు కష్టమైన ఛాలెంజ్ ను ఇస్తున్నాను అంటూ సచిన్ ట్వీట్ చేశారు.

దీనికి స్పందించిన యువీ…తాను తప్పు ఛాలెంజ్ చేశానని తెలుసు! దీనికి నాకు ఒక వారం సమయం పట్టవచ్చన్నాడు. ఇక సచిన్‌తో పాటు భజ్జీ, రోహిత్‌లకు యువీ ఛాలెంజ్ ఇవ్వగా వారు ఇంతవరకు స్పందించలేదు.