1,196కు చేరుకున్న కరోనా కేసులు..

తెలంగాణలో కరోనా పాజిటివ్ కేసుల సంఖ్య 1,196కు చేరుకుంది. ఆదివారం ఒక్కరోజే 33 పాజిటివ్ కేసులు నమోదుకాగా వీటిలో 26 జీహెచ్‌ఎంసీ పరిధిలోనే నమోదయ్యాయి. మిగితావి వలస కూలీలకు వచ్చినట్లు వైద్య అధికారులు వెల్లడించారు.

ఇక దేశంలో గడిచిన 24 గంటల్లో 3,277 కరోనా కేసులు నమోదయ్యాయి. దీంతో మొత్తం కేసుల సంఖ్య 62,939కి చేరింది. మొత్తం మరణాల సంఖ్య 2,109కి పెరిగగా ఇప్పటి వరకు 19,357 మంది కోలుకున్నారు.

దేశవ్యాప్తంగా 483 జిల్లాల్లో 7,740 ప్రత్యేక కొవిడ్‌-19 దవాఖానలు గుర్తించినట్లు వెల్లడించింది. ఈ దవాఖానల్లో రోగులకు చికిత్స అందించడానికి అన్ని వసతులు ఉన్నట్లు పేర్కొంది.