‘కరోనా’ కట్టడి నేపథ్యంలో కొనసాగుతున్న లాక్ డౌన్ కారణంగా నిత్యావసరాలకు సైతం ఇబ్బంది పడే కుటుంబాలను దృష్టిలో పెట్టుకుని ప్రముఖ హీరో విజయ్ దేవరకొండ భారీ సాయం చేసేందుకు ముందుకొచ్చిన విషయం తెలిసిందే. రూ.25లక్షల రూపాయలతో ‘మిడిల్‌ క్లాస్‌ ఫండ్‌(ఎం.సి.ఎఫ్‌) ఏర్పాటు చేసిన విజయ్ యువతకు ఉద్యోగాలు ఇప్పించేందుకు ‘ది విజయ్ దేవరకొండ ఫౌండేషన్‌(టి.డి.ఎఫ్‌)’ను ఏర్పాటు చేశారు. విజయ్ దేవరకొండ ఈ ప్రకటన చేసిన కొంచెం సేపటికి ఆయనకు అండగా ఉంటామని టాలీవుడ్ నుంచి ముందుకొచ్చారు.
తాజాగా విజయ్ దేవరకొండ ఏర్పాటు చేసిన ఫండ్‌కు తన వంతుగా లక్ష రూపాయల సాయం చేసాడు RX 100 ఫేమ్ కార్తికేయ. దాంతో పాటు ప్రముఖ దర్శకుడు కొరటాల శివ కూడా విజయ్ దేవరకొండ చేస్తోన్న ప్రయత్నానికీ తన వంతు సహకారం అందిస్తున్నారు. అంతేకాదు దర్శకుడు పూరీ జగన్నాథ్ కూడా విజయ్ దేవరకొండ స్టార్ట్ చేసిన పనిని మెచ్చుకున్నాడు.
