దేశవ్యాప్తంగా నిర్వహిస్తున్న జనతా కర్ఫ్యూలో భాగంగా మా కుటుంబ సభ్యులమంతా ఇంట్లోనే ఉన్నాము అని రాష్ట్ర గిరిజన, స్త్రీ-శిశు సంక్షేమ శాఖ మంత్రి సత్యవతి రాథోడ్ తెలిపారు. గౌరవ ప్రధాని, సిఎం ఇచ్చిన పిలుపుమేరకు 24 గంటల జనతా కర్ఫ్యూని అందరం కలిసి విజయవంతం చేద్దాం. వ్యక్తిగత నియంత్రణ పాటిద్దాం. నియంత్రణ ఒక్కటే శ్రీరామ రక్ష. కరోనా మహమ్మారి నుంచి ఈ దేశాన్ని, రాష్ట్రాన్ని, ప్రజానికాన్ని కాపాడాల్సిన బాధ్యత ప్రతి ఒక్కరి మీద ఉంది అన్నారు.
ఈ సందర్భంగా మంత్రి మాట్లాడుతూ.. ముఖ్యమంత్రి కేసిఆర్ పిలుపు మేరకు ప్రతి ఒక్కరు ముందుకు వచ్చి కర్ఫ్యూని విజయవంతం చేస్తున్నందుకు ధన్యవాదాలు. ఈ రోజు ఇలా ఉండడం కొంత ఆందోళనకరంగా ఉన్నా..చాలా రోజుల తర్వాత పూర్తి సమయం కుటుంబ సభ్యులతో ఉండడం సంతోషం ఇచ్చింది. ఇది పనిష్ మెంట్ గాకాకుండా అందరు కలిసి ఉండేలా, కుటుంబ సంబంధాలు బలపడేలా దీనిని ఉపయోగించుకోవాలి.
ఈరోజు సాయంత్రం 5 గంటలకు చప్పట్లతో ప్రభుత్వానికి మనందరి సంఘీభావం ప్రకటిద్దాం. కరోనాపై చేసే యుద్ధంలో మనవంతు పాత్ర పోషిద్దాం. చప్పట్లతో ఈ కర్ఫ్యూలో పాలుపంచుకునే వారందరికీ తోడుగా ఉందాం. వారికి ముందే ధన్యవాదాలు తెలపుతున్నాను. భయానకమైన కరోనాను నియంత్రిద్దాం… కుటుంబమంతా కలిసి ఉందాం. అని మంత్రి సత్యవతి రాథోడ్ అన్నారు.