ప్రపంచ వ్యాప్తంగా రోజు రోజుకి కరోనా వైరస్ వేగంగా విస్తరిస్తుంది. ఇండియాలో ఇప్పటివరకు 103మంది ఈ వ్యాధి బారిన పడగా..ముగ్గురు వ్యక్తులు మరణించారు. ఇప్పటికే కేంద్ర, రాష్ట్ర ప్రభుత్వాలు తగు జాగ్రత్తలు చేపట్టాయి. కరోనా వైరస్ గురించి తీసుకోవాల్సిన తగు జాగ్రత్తలపై పలువురు సెలబ్రెటీలు ప్రజలకు అవగాహన కల్పిస్తున్నారు. ఈ క్రమంలో ప్రపంచ ఆరోగ్య సంస్థ తీసుకొచ్చిన సేఫ్ హ్యాండ్స్ చాలెంజ్ ప్రస్తుతం వైరల్‌గా మారింది. పలువురు సెలబ్రెటీలు ఈ సేఫ్ హ్యాండ్స్ ఛాలెంజ్ ను స్వీకరించి మరికొంత మందికి ఛాలెంజ్ విసురుతున్నారు.
ఈ వీడియోలను సోషల్ మీడియాలో పోస్ట్ చేస్తున్నారు. తాజాగా హైదరాబాద్‌లోని అమెరికా కాన్సుల్‌ జనరల్‌ క్యాథరిన్‌ హడ్డా విసిరిన సేఫ్ హ్యాండ్స్ చాలెంజ్‌ను స్వీకరించారు బ్యాడ్మింటన్‌ స్టార్ పీవీ సింధు . కేథరిన్ హడ్డా విసిరిన చాలెంజ్‌ని స్వీకరించి.. చేతులను శుభ్రం చేసుకున్నారు. ఆ తర్వాత కేంద్ర మంత్రి కిరణ్ రిజుజు, టీమిండియా కెప్టెన్ విరాట్ కొహ్లీ, టెన్నిస్ స్టార్ సానియా మిర్జాలకు ఛాలెంజ్ విసిరారు. సేఫ్ హ్యాండ్స్ ఛాలెంజ్ ఇప్పుడు సోషల్ మీడియాలో వైరల్ గా మారింది.
https://twitter.com/Pvsindhu1/status/1239831657399517184
