- Advertisement -
ముఖ్యమంత్రి కేసీఆర్ 2020, ఫిబ్రవరి 17వ తేదీన 66వ ఏట అడుగుపెడుతున్నారు. ఈ సందర్భంగా తెలంగాణ రాష్ట్ర మంత్రి, టీఆర్ఎస్ వర్కింగ్ ప్రెసిడెంట్ పార్టీ కార్యకర్తలకు, నాయకులకు ఓ పిలుపునిచ్చారు. హరితహారంలో భాగంగా ప్రతొక్కరూ ఒక్క మొక్క చొప్పున నాటుదామని పిలుపునిచ్చిన సంగతి తెలిసిందే.
ఈ నేపథ్యంలో రాష్ట్ర వ్యాప్తంగా మొక్కలు నాటేందుకు టీఆర్ఎస్ శ్రేణులు సన్నద్ధం అవుతున్నాయి.ఇక హైదరాబాద్ నెక్లెస్రోడ్లోని జలవిహార్లో సీఎం బర్త్ డే వేడుకలను ఘనంగా నిర్వహించనున్నారు. ఈ ఏర్పాట్లను పరిశీలించారు మంత్రి తలసాని శ్రీనివాస్. ఈ సందర్భంగా WE LOVE KCR లోగోను ఆవిష్కరించారు.
ఇక ఫిబ్రవరి 17న గ్రేటర్ హైదరాబాద్ పరిధిలోని అన్ని డివిజన్లలో మొక్కలు నాటేలా ఏర్పాట్లు చేశారు మేయర్ బొంతు రామ్మోహన్.
- Advertisement -