పోలీసులను ఆశ్రయించిన నటి కరాటే కల్యాణి..!

టాలీవుడ్ నటి కరాటే కల్యాణి పేరు తెలిసేవుంటుంది. ఈ నటి పలు సినిమాలు,సీరియల్స్‌లో నటించింది. తాజాగా ఈమె ఓ విషయమై పోలీసు స్టేషన్‌లో ఫిర్యాదు చేసింది. తనను ఆకతాయిలు ఫోన్లో అసభ్య పదజాలంతో దూషిస్తున్నారని, అశ్లీల వీడియోలు పంపించి చిత్ర హింసలు పెడుతున్నారని ఆరోపిస్తూ, ఈ నటి సైబర్ క్రైమ్ పోలీసులను ఆశ్రయించింది. పొద్దున్నే లేచి ఫోన్ చూడాలంటేనే భయపడుతున్నానని ఆమె తన ఫిర్యాదులో పేర్కొంది.

కొందరు నా ఫొటోలను మార్ఫింగ్ చేసి వాటిని దారుణమైన రీతిలో సోషల్ మీడియాలో అప్‌లోడ్ చేస్తున్నారని వాపోయింది. ఎన్ని నెంబర్లను బ్లాక్ చేసినా.. వేరే ఫోన్ నెంబర్ల ద్వారా వాట్సాప్‌లో అశ్లీల వీడియోలు పంపుతున్నారని పోలీసులకు తెలిపింది. ఎలాగైనా వారిపై చర్యలు తీసుకోవాలని కరాటే కళ్యాణి సైబర్ క్రైమ్ పోలీసులను కోరారు.