యువ క‌థానాయకుడు నాగశౌర్య హీరోగా ఐరా క్రియేషన్స్ బ్యాన‌ర్‌పై శంక‌ర్ ప్ర‌సాద్ ముల్పూరి స‌మ‌ర్ప‌ణ‌లో ఉషా ముల్పూరి నిర్మాత‌గా రూపొందుతోన్న చిత్రం `అశ్వ‌థ్థామ`. ర‌మ‌ణ తేజ ద‌ర్శ‌కుడిగా ప‌రిచ‌యం అవుతున్నారు.
ఈ నెల 31న సినిమా ప్రేక్షకుల ముందుకురానుండగా తల్లితో కలిసి మెగాస్టార్ చిరంజీవిని కలిశారు నాగశౌర్య. చిరు ఆశీస్సులు తీసుకున్న శౌర్య..మిమ్మల్ని చూసిన ప్రతిసారి గొప్పగా అనిపిస్తుంటుందన్నారు.
ప్రతి అడుగులో మీ ఆశీస్సులు పొందడం నాకు, నా ఐరా క్రియేషన్స్ సంస్థకు గర్వంగా ఉంది. మీరు నిజమైన మెగాస్టార్. వియ్ లవ్ యు ఫరెవర్ అంటూ ట్విట్టర్‌లో పోస్ట్ పెట్టారు.
సినిమా హీరో నాగ‌శౌర్య‌నే ఈ సినిమాకు క‌థ‌ను అందించాడు. ఈ సినిమాను నాగశౌర్య ఎంతో ప్రేమించి ప్యాష‌నేట్‌గా రూపొందిస్తున్నారు. అందుక‌నే ఈ సినిమా టైటిల్‌ను ఛాతీపై ప‌చ్చ‌బొట్టుగా వేయించుకున్నారు కూడా.
https://twitter.com/SandeepSpeakz/status/1222498593480667136/photo/1
