అమెరికాలో మెగాహీరో ‘ప్రతిరోజూ పండగే’..

‘చిత్రలహరి’ చిత్రంతో డీసెంట్ హిట్ అందుకొన్న సుప్రీం హీరో సాయి తేజ్ ఇప్పుడు ‘ప్రతిరోజూ పండగే’ అనే చిత్రంతో ప్రేక్షకుల ముందుకు వచ్చేందుకు సిద్ధమవుతోన్న సంగతి తెలిసిందే. ఈ సినిమాకు మారుతి దర్శకత్వం వహిస్తున్నారు.ప్రముఖ నిర్మాత అల్లు అరవింద్ సమర్పణలో జీఏ2 పిక్చర్స్, యూవీ క్రియేషన్స్ బ్యానర్లపై బన్నీ వాస్ ఈ చిత్రాన్ని నిర్మిస్తున్నారు. గ్రామీణ నేపథ్యంలో కుటుంబాలు- అనుబంధాల నేపథ్యంలో సాగే కథ ఇది.

ప్రస్తుతం ఈ సినిమా షూటింగు రామోజీ ఫిల్మ్ సిటీలో జరుగుతోంది. నెక్ట్స్‌ షెడ్యూల్ ను అమెరికాలో ప్లాన్ చేశారు. ప్రధాన పాత్రల కాంబినేషన్లోని కొన్ని సన్నివేశాలను అక్కడ చిత్రీకరించనున్నారు. సాయిధరమ్ తేజ్ డిఫరెంట్ లుక్ తో కనిపించనున్న ఈ సినిమాలో,ఆయన సరసన రాశిఖన్నా నటిస్తుండగా, ముఖ్యమైన పాత్రల్లో సత్యరాజ్.. రావు రమేశ్ కనిపించనున్నారు.