చంచల్ గూడ జైలుకు రవిప్రకాశ్

టీవీ9 మాజీ సీఈవో రవిప్రకాశ్ ను చంచల్ గూడ జైలుకు తరలించారు బంజారాహిల్స్ పోలీసులు. టీవీ9లో నిధుల దుర్వినియోగం కేసులో అతన్ని రిమాండ్ కు తరలించారు. మరో డైరెక్టర్‌తో కలిసి రవిప్రకాష్ రూ. 18 కోట్లను పక్కదారి పట్టించినట్లుగా ఆధారాలతో టీవీ 9 ప్రస్తుత సీఈవో గొట్టిపాటి సింగరావు పోలీసులకు ఫిర్యాదు చేశారు.

దీంతో నిందితులపై 409, 418, 420 సెక్షన్ల కింద కేసు నమోదైంది. వైద్య పరీక్షల అనంతరం రవిప్రకాష్‌ను నాంపల్లి కోర్టులో హాజరుపరిచారు. న్యాయస్థానం రవిప్రకాష్‌కు ఈ నెల 18వ తేదీ వరకు రిమాండ్ విధించింది. కాగా, రవిప్రకాశ్ తరఫు న్యాయవాది బెయిల్ పిటిషన్ దాఖలు చేశారు. ఈ పిటిషన్ పై ఈ నెల 9న వాదనలు వింటామని న్యాయమూర్తి తెలిపారు.