తొలి షెడ్యూల్ పూర్తి చేసుకున్న “సముద్రుడు”

కీర్తన ప్రొడక్షన్ పతాకంపై రమాకాంత్ , మోనాల్,అవంతిక, శ్వేతారెడ్డి హీరోహీరోయిన్లుగా విభిన్న చిత్రాల దర్శకుడు నగేష్ నారదాసి దర్శకత్వంలో బడావత్ కిషన్ నిర్మిస్తున్న యాక్షన్ ఎంటర్ టైనర్ “సముద్రుడు” .ఈ చిత్రం ఇటీవలే ఫస్ట్ షెడ్యూల్ పూర్తి చేసుకుంది.

ఈ సందర్భంగా చిత్ర దర్శకుడు నగేష్ నరదాసి మాట్లాడుతూ ” సముద్రం బ్యాక్ డ్రాప్ లో నడిచే కథ ఇది.యాక్షన్ కి మంచి ప్రాధాన్యత ఉన్న చిత్రమిది. కథలో చాలా ఎంటర్టైన్మెంట్ ఉంటుంది. దసరా తర్వాత చీరాల పరిసర ప్రాంతాల్లో సెకండ్ షెడ్యూల్ ప్రారంభిస్తాం” అన్నారు.

చిత్ర నిర్మాత బడావత్ కిషన్ మాట్లాడుతూ ” మా డైరెక్టర్ నగేష్ గారు చెప్పిన కథ చాలా వెరైటీ గా ఉంది. మంచి మ్యూజిక్ కి స్కోప్ ఉన్న చిత్రమిది. చీరాలలో షూటింగ్ కంప్లీట్ చేసుకున్న తరువాత పాటల కోసం ఫారెన్ వెళ్లనున్నాం అన్నారు.