యంగ్ రెబల్ స్టార్ ప్రభాస్ నటించిన సాహో విడుదలకు మరికొద్ది గంటలు మాత్రమే మిగిలిఉంది. ఇప్పటికే తెలుగు రాష్ట్రాల్లో సాహో ఫీవర్ హైపిచ్‌కి చేరుకోగా తాజాగా హిందీ వెర్షన్ సెన్సార్ పూర్తైంది. సింగిల్ కట్ లేకుండా ది సెంట్రల్ బోర్డ్ ఆఫ్ ఫిలిం సెర్టిఫికేషన్ ఈ సినిమాకు యూ/ఏ సర్టిఫికేట్ ఇచ్చింది.
ప్రభాస్, శ్రద్ధా కపూర్ హీరో హీరోయిన్లుగా సుజీత్ తెరకెక్కిస్తున్న ఈ మూవీ భారీ బడ్జెట్‌తో తెరకెక్కింది. బాహుబలి తరువాత ప్రభాస్ నటిస్తున్న మోస్ట్ ప్రెస్టీజియస్ మూవీ కావడంతో భారీ అంచనాలు నెలకొన్నాయి.
ఇక ఇప్పటికే తమిళ, తెలుగు వెర్షన్లు వారం రోజుల ముందుగానే సెన్సార్ పూర్తి చేసుకున్న సంగతి తెలిసిందే. ఈ సినిమాలో జాకీ ష్రాఫ్, నీల్ నితిన్ ముఖేశ్, చుంకీ పాండే కీలక పాత్రల్లో నటిస్తున్నారు. ఇప్పటికే రిలీజైన సాహో ట్రైలర్, పాటలకు మంచి స్పందన లభించగా సాహో ఎలా ఉండబోతుందో అన్న టెన్షన్ అందరిలో నెలకొంది.
