బాహుబలి తరువాత యంగ్‌ రెబెల్ స్టార్ ప్ర‌భాస్ నుంచి వస్తున్న మోస్ట్ ఎవైటెడ్ మూవీ సాహో. ఈ మూవీకి సంబంధించిన న్యూస్ ప్రతిరోజూ ఒక్కొక్కటి చొప్పున రిలీజ్ చేస్తున్నారు. ఇటీవలే ఇండియ‌న్ మూవీ ల‌వ‌ర్స్ కొసం సాహో రొమాంటిక్ పోస్టర్ ,స్టన్నింగ్ యాక్షన్ ప్యాక్ డ్ పోస్టర్‌ని విడుదల చేయగా తాజాగా మరో ఇంట్రెస్టింగ్ అప్ డేట్ వచ్చేసింది.
సాహో ది గేమ్ పేరుతో ఓ వీడియో గేమ్ ను రూపొందిస్తున్నారట. ఈ గేమ్ ను ఫిక్సలాట్ డెవలప్మెంట్ సంస్థ రూపొందిస్తోంది. ఈ గేమ్ కు సంబంధించిన చిన్న పోస్టర్ ను రిలీజ్ చేసింది. ఈ గేమ్ ఎలా ఉంటుంది,ఏ బేస్ మీద రన్ అవుతుంది అనే విషయాలు త్వరలోనే బయటకు రానున్నాయి. సినిమాకు ముందే ఈ గేమ్ ను రిలీజ్ చేస్తారని సమాచారం.
ఆగస్టు 30న సినిమా ప్రేక్షకుల ముందుకురానుండగా 4 చోట్ల ఆడియో రిలీజ్ వేడుకను నిర్వహించేందుకు ప్లాన్ చేస్తున్నారు. ఆగస్టు 17 వ తేదీన హైదరాబాద్ ,ఆగస్ట్ 21 న కేరళలోని కోచిలో, ఆగష్టు 25 వ తేదీన బెంగళూరులో ,ఆగష్టు 27 వ తేదీన ముంబైలో భారీ ఈవెంట్స్ నిర్వహించనుంది యూవీ క్రియేషన్స్. తెలుగు, తమిళ, హిందీ భాషల్లో ఏకకాలంలో ఈ మూవీ తెరకెక్కగా రన్ రాజా రన్ ఫేం సుజీత్ దర్శకత్వం వహించారు.
