ఎనర్జీటిక్ స్టార్ రామ్ పొత్తినేని, డేరింగ్ డైరెక్టర్ పూరీ జగన్నాథ్ కాంబినేషన్ లో తెరకెక్కిన చిత్రం ఇస్మార్ట్ శంకర్. రామ్ సరసన నభా నటేశ్, నిధి అగర్వాల్ హీరోయిన్లుగా నటించారు. పూరీ జగన్నాథ్, ఛార్మీలు సంయుక్తంగా నిర్మించారు. ఈసినిమా నుంచి విడుదలైన ట్రైలర్ కు మంచి స్పందన వస్తోంది.
ట్రైలర్ ను చూస్తుంటే మాస్ లుక్ లో రామ్ అదరగొట్టాడని చెప్పుకోవాలి. సినిమా జులై 12 న రిలీజ్ కావాల్సి ఉన్నా.. జులై 14 వ తేదీన వరల్డ్ కప్ ఫైనల్ ఉండటంతో.. వాయిదా వేశారు. వరల్డ్ కప్ మ్యాచ్ ఉండటంతో సినిమా కలెక్షన్లు తగ్గుతాయనే భయంతో విడుదలను వాయిదా వేసుకున్నారు దర్శకుడు పూరీ జగన్నాథ్.
ఇక ఈసినిమాను ఎవరూ డిస్ట్రీబ్యూట్ చేస్తారన్న దానిపై టాలీవుడ్ లో చర్చ నడుస్తుంది. దర్శకుడు పూరీ ఈసినిమా విడుదల హక్కులు తీసుకోవాలని ప్రముఖ నిర్మాత దిల్ రాజును కోరినట్లు తెలుస్తుంది. అయితే దిల్ రాజు పెద్ద ప్రాజెక్ట్ లతో బిజీగా ఉండటంతో పూరీ నో చెప్పాడట. ఇక ఈసినిమాను ఎవరూ తీసుకోకుంటే సొంతంగా సినిమాను రిలీజ్ చేయాలని పూరి అండ్ కో అనుకుంటున్నట్టు సమాచారం. ప్లాప్ లతో సతమతమవుతున్న పూరీకి ఈసినిమా అయిన హిట్ తెచ్చి పెడుతుందో లేదో చూడాలి.
