మెగాస్టార్ చిరంజీవి హీరోగా సురేందర్ రెడ్డి దర్శకత్వంలో తెరకెక్కుతున్న చిత్రం సైరా. స్వాతంత్య్ర సమరయోధుడు ఉయ్యాలవాడ నరసింహరెడ్డి జీవిత చరిత్ర ఆధారంగా తెరకెక్కుతున్న ఈ సినిమాపై భారీ అంచనాలు నెలకొన్నాయి. బిగ్ బి అమితాబ్‌తో పాటు సీనియర్ నటులు ఈ మూవీలో నటిస్తుండటంతో అందరి అటెన్షన్‌ సైరాపైనే ఉంది.
ప్రస్తుతం పోస్ట్ ప్రొడక్షన్ వర్క్స్‌ జరుగుతుండగా చిరు బర్త్ డే కానుకగా ఆగస్టు 22న ట్రైలర్‌ని విడుదల చేసేందుకు ప్లాన్ చేస్తున్నారు. ఇక ఈ మూవీలో చిరు సరసన నయనతార నటించగా స్వీటీ అనుష్క సైతం కీలక పాత్ర పోషించింది. అయితే అనుష్క పోషించిన పాత్రపై ఇప్పటివరకు ఎలాంటి అధికారిక ప్రకటన విడుదల చేయలేదు చిత్రయూనిట్.
అయితే సైరాలో అనుష్క ఝాన్సీ లక్ష్మి భాయి పాత్రలో కనిపిస్తున్నట్టు సమాచారం. ఆగస్టు 22న విడుదల చేయబోయే టీజర్‌లో అనుష్క పాత్రకు సంబంధించిన క్లారిటీ ఇవ్వనున్నారట. ఇక ఈ సినిమాలో అనుష్క మొదటిసారి తన పాత్రకు సొంతంగా డబ్బింగ్ చెప్పిందట. కొణిదెల ప్రొడక్షన్స్‌ బ్యానర్‌పై రామ్ చరణ్ నిర్మిస్తున్న ఈ మూవీ అక్టోబర్ 2న విడుదల కానుంది.
