టాలీవుడ్ అగ్ర హీరోలు,దర్శకులు ఒకే ఫ్రేములో కనిపిస్తే ఎలా ఉంటుంది..?అసలు వీరందరు కలిసే రోజు వస్తుందా అని ఎదురుచూస్తున్న అభిమానులకు కన్నుల పండగ. అగ్రహీరోలైన మెగాస్టార్ చిరంజీవి, బాలకృష్ణ, వెంకటేష్‌లతో దర్శకేంద్రుడు రాఘవేంద్రరావు,కేఎస్ రామారావు,బి గోపాల్,సి అశ్వినీదత్ ఒకే చోట సందడి చేశారు.
చిరు,నాగ్,బాలయ్య,వెంకీతోనే దర్శక నిర్మాతలు ఎక్కువగా సినిమాలు చేశారు. ఇండస్ట్రీలో బెస్ట్ సినిమాలు ఇచ్చారు. వీరిలో కోదండరామిరెడ్డిది ప్రత్యేక స్ధానం. మెగాస్టార్ చిరంజీవితో అనేక సినిమాలు చేశారు. ఆయన బర్త్ డే వేడుకకు ఈ అగ్రహీరోలంతా హాజరయ్యారు. ఆ హీరోలతో ఆ తరం దర్శకులకు మంచి అనుబంధం ఉంది. అలాంటి అనుబంధం ఉన్న దర్శకుల్లో ఒకరు ఏ కోందండరామి రెడ్డి.
సోమవారం 70 వ పుట్టినరోజును ఘనంగా జరుపుకున్నారు. వీరంతా కలిసి కోదండరామి రెడ్డి బర్త్ డే వేడుకల్లో సందడి చేశారు. మెగాస్టార్ కెరీర్‌ని మలుపు తిప్పిన ఖైదీ సినిమాకు కోదండరామి రెడ్డినే దర్శకుడు.
