దేశంలో 24 గంటల్లో 9531 కరోనా కేసులు..

దేశంలో కరోనా కేసుల సంఖ్య స్వల్పంగా తగ్గుముఖం పట్టాయి. గత 24 గంటల్లో దేశంలో 9531 కరోనా కేసులు నమోదుకాగా 36 మంది మృతిచెందారు. దీంతో మొత్తం కేసులు 4,43,48,960కి చేరగా ఇందులో 4,37,23,944 మంది బాధితులు వైరస్‌ నుంచి కోలుకున్నారు.

ప్రస్తుతం దేశంలో 97,648 కేసులు యాక్టివ్‌గా ఉండగా ఇప్పటివరకు 5,27,368 మంది మరణించారు. దేశంలో రికవరీ రేటు 98.59 శాతం, మరణాలు 1.19 శాతంగా ఉండగా దేశవ్యాప్తంగా 210.02 కోట్ల కరోనా వ్యాక్సిన్‌ డోసులను పంపిణీ చేశామని వైద్యశాఖ వెల్లడించింది.