చెన్నైలో 24 కిలోల బంగారం స్వాధీనం..

చెన్నై ఎయిర్‌ పోర్టులో అక్రమంగా తరలిస్తున్న బంగారాన్ని పట్టుకున్నారు కస్టమ్స్ అధికారులు. ప్రయాణికుల తనిఖీల్లో భాగంగా కస్టమ్స్ అధికారులు చేపట్టిన సోదాల్లో 24 కిలోల బంగారంను స్వాధీనం చేసుకున్నారు. ఇద్దరిని అదుపులోకి తీసుకొని విచారించగా వీరిది దక్షిణకొరియా అని గుర్తించారు.

ఈ బంగారం ఖరీదు రూ.8 కోట్ల వరకూ ఉంటుందని విమానాశ్రయ అధికారులు తెలిపారు. పట్టుబడిన బంగారాన్ని మొత్తం సీజ్‌ చేశారు. వీరు హాంకాంగ్‌ నుంచి చెన్నైకు వచ్చారు. ఈ బంగారాన్ని ఎక్కడి నుంచి తెచ్చారు? ఏ ప్రాంతానికి తరలిస్తున్నారనే అంశాలపై దర్యాప్తు చేపట్టారు.