మెగా పవర్ స్టార్ రామ్ చరణ్ దర్శకుడు శంకర్ కాంబినేషన్ లో రూపొందుతున్న ప్యాన్ ఇండియా మూవీ మీద ఏ స్థాయిలో అంచనాలు ఉన్నాయో చెప్పనక్కర్లేదు. కర్నూలు, వైజాగ్ లో జరుగుతున్న షూటింగ్ తాలూకు లీక్డ్ పిక్స్, వీడియోలు ఇప్పటికే ట్విట్టర్ ని ఊపేస్తున్నాయి. దిల్ రాజు టీమ్ ఎప్పటికప్పుడు కట్టడి చేస్తోంది కానీ వాట్సప్ గ్రూపుల్లో ఇవన్నీ ఓ రేంజ్ లో చక్కర్లు కొడుతున్నాయి.
తమన్ సంగీతం సమకూరుస్తున్న ఈ పొలిటికల్ పీరియాడిక్ మూవీలో మొత్తం అయిదు పాటలు ఉంటాయట. వాటిని అయిదుగురు సుప్రసిద్ధ కొరియోగ్రాఫర్స్ తో కంపోజ్ చేయిస్తున్నారు శంకర్. ప్రేమ్ రక్షత్, ప్రభు దేవా, గణేష్ ఆచార్య, జానీ మాస్టర్ లతో పాటు బాస్కో మార్టిస్ ఈ బృందంలో ఉన్నారు. ఇప్పటికే వీటిలో మూడింటి చిత్రీకరణ పూర్తి కాగా మరో రెండు బ్యాలన్స్ త్వరలో తీయబోతున్నారు
కేవలం ఈ పాటల షూట్ కే అక్షరాలా 40 కోట్లకు పైగానే ఖర్చు అయ్యిందని ఫిలిం నగర్ టాక్. మాములుగా ఇంత బడ్జెట్ తో నాని లాంటి మీడియం రేంజ్ హీరోతో పెద్ద సినిమా తీయొచ్చు. కానీ ఇలా సాంగ్స్ కే ఈ మొత్తం అంటే అది ఒక్క శంకర్ కు మాత్రమే సాధ్యమయ్యే అరుదైన ఫీట్. దిల్ రాజు బ్యానర్ ప్రతిష్టాత్మక యాభై సినిమాగా రూపొందుతున్న ఈ చిత్రం 2024 సంక్రాంతి విడుదలని టార్గెట్ చేసుకుంది.
ఇవి కూడా చదవండి..
