అవినీతి కేసుల్లో బంగ్లాదేశ్ మాజీ ప్రధాన మంత్రి షేక్ హసీనాకు 21 ఏళ్ల జైలు శిక్ష విధించింది బంగ్లాదేశ్ కోర్టు. పుర్బాచల్లోని రాజుక్ న్యూ టౌన్ ప్రాజెక్ట్లో ప్లాట్ల కేటాయింపులో జరిగిన అక్రమాలపై నమోదు చేసిన మూడు కేసుల్లో హసీనాకు ఏడేళ్ల చొప్పున మొత్తం 21 ఏళ్ల జైలు శిక్షను బంగ్లాదేశ్ కోర్టు గురువారం విధించినట్లు స్థానిక మీడియా తెలిపింది. ఈ మూడు కేసులు ప్రభుత్వ భూములను అక్రమంగా కేటాయించారన్న ఆరోపణలతో దాఖలయ్యాయి.
అభియోగులు హాజరుకాకపోవడంతో కోర్టు వారికి గైర్హాజరీలోనే తీర్పు వెలువరించింది. “అప్లికేషన్ లేకుండానే, చట్టపరమైన అధికార పరిమితులను అతిక్రమించే విధంగా ప్లాట్ను షేక్ హసీనాకు కేటాయించారు,” అని కోర్టు పేర్కొంది.
గత జనవరిలో, పుర్బాచల్ ప్రాంతంలో ప్రభుత్వ ప్లాట్లను అక్రమంగా కేటాయించినట్లు ఆరోపిస్తూ అవినీతి నిరోధక కమిషన్ (ACC) షేక్ హసీనా మరియు ఆమె కుటుంబ సభ్యులపై ఆరు వేర్వేరు కేసులు దాఖలు చేసింది. మిగిలిన మూడు కేసులపై డిసెంబర్ 1న తీర్పు వెలువడనుంది.
కోర్టు హసీనా కుమారుడు జాయ్కు ఐదు సంవత్సరాల జైలు శిక్షతో పాటు 1 లక్ష టాకా జరిమానా విధించింది. ఆమె కుమార్తె సైమా వాజేద్ పుటుల్కు కూడా ఐదు సంవత్సరాల జైలు శిక్ష విధించింది. జూలై 2024 వ్యతిరేక ప్రభుత్వ నిరసనల సమయంలో జరిగిన మానవతా విరుద్ధ నేరాలకు కారణమని సూచిస్తూ, బంగ్లాదేశ్ ఇంటర్నేషనల్ క్రైమ్స్ ట్రైబ్యునల్ (ICT) ఇప్పటికే షేక్ హసీనాకు మరణదండన విధించింది.
ప్రక్రియలంతా జరుగుతుండగా, హసీనా మరియు ఆమె కుటుంబ సభ్యులు దాగి ఉండటంతో వారికి న్యాయవాదులు లేరు. అయినప్పటికీ, అవినీతి ఆరోపణలను వారు ఇప్పటికీ ఖండిస్తున్నారు.బంగ్లాదేశ్ తాత్కాలిక ప్రభుత్వంచే షేక్ హసీనాను అప్పగించాలన్న అభ్యర్థన వచ్చిందని, దాన్ని భారత్ పరిశీలిస్తున్నట్లు భారత విదేశాంగ శాఖ ప్రతినిధి రంధీర్ జైస్వాల్ వెల్లడించారు. బంగ్లాదేశ్లో శాంతి, ప్రజాస్వామ్యం, స్థిరత్వం కోసం భారత్ కట్టుబడి ఉందని ఆయన తెలిపారు.
Also Read:Karnataka:డీకే..ట్వీట్ వైరల్