దటీజ్ రజనీ..ట్రెండింగ్‌లో 2.0 టీజర్

తమిళసూపర్‌స్టార్ రజనీకాంత్, దిగ్గజ దర్శకుడు శంకర్ కాంబినేషన్‌లో తెరకెక్కుతున్న చిత్రం 2.0 . సినిమా ఎప్పుడెప్పుడు విడుదలవుతుందా అని అంతా ఆసక్తిగా ఎదురుచూస్తున్నారు. ఈ నేపథ్యంలో ఫ్యాన్స్‌కు కాసింత ఊరట కలిగేలా వినాయకచవితి సందర్భంగా సినిమా టీజర్‌ని విడుదల చేసింది చిత్రయూనిట్.

గ్రాఫిక్ మాయాజాలంతో తెరకెక్కిన సినిమా టీజర్ అందరిని ఆకట్టుకుంటోంది. సోషల్ మీడియాలో ట్రెండింగ్‌గా మారింది. విడుదలైన 9 గంటల్లోనే తెలుగు,తమిళ్,హిందీ భాషల్లో 20 మిలియన్ వ్యూస్‌తో దూసుకుపోతోంది. టీజర్‌లో శంకర్‌ మార్క్‌ స్పష్టంగా చూపించాడు. ఒక్కసారిగా ఫోన్లన్నీ మాయమైపోవడం,అక్షయ్ కుమార్ ఎంట్రీ అదిరిపోయింది. చంద్రముఖి సినిమాలో ‘లకలక’ అంటూ ఆకట్టుకున్న రజినీ… ఈ సినిమాలో ‘కుక్కురు’ అంటూ తనదైనశైలిలో పలుకుతూ కేక పుట్టించారు.

లైకా ప్రొడక్షన్స్ నిర్మిస్తున్న ఈ సినిమాలో రజనీ సరసన అమీ జాక్సన్ హీరోయిన్‌గా నటిస్తోంది. దాదాపు రూ.1000 కోట్ల భారీ బడ్జెట్‌తో దీన్ని తెరకెక్కిస్తున్నారని కోలీవుడ్‌ టాక్‌. హాలీవుడ్‌ చిత్రాలకు దీటుగా ఇందులో వీఎఫ్‌ఎక్స్‌ ఉంటాయని చిత్ర వర్గాలు చెబుతున్నాయి.