- Advertisement -
ప్రస్తుతం ఎక్కడ చూసినా ‘2.ఓ’ సినిమాను గురించే మాట్లాడుకుంటున్నారు. రజినీ, అమీజాక్స్‌న్‌ జంటగా నటిస్తున్న ఈ మూవీలో అక్షయ్‌కుమార్‌ కీలక పాత్రలో కనిపించనున్నారు. ఇక ఈ నెల 29వ తేదీన ఈ సినిమాను భారీస్థాయిలో విడుదల చేయనున్నారు. ఈ నేపథ్యంలో సినిమాకి ప్రమోషన్‌ భారీగా చేపడుతున్నారు. ఇందులో భాగంగా ఈ చిత్రం తెలుగు వెర్షన్ నుంచి రెండవ లిరికల్ వీడియో సాంగ్ ను రిలీజ్ చేశారు. “రండాలి .. రండాలి .. రా మరి .. నువ్వో నేనో ఉండాలి. రండాలి .. రండాలి .. నూరేళ్లు నీకు నిండాలి” అంటూ ఈ పాట కొనసాగుతోంది.
అక్షయ్‌కుమార్‌ పాత్రను ఉద్దేశించిన నేపథ్యంలో ఈ పాట వస్తుందని అర్థమవుతోంది. లైకా ప్రొడక్షన్స్ వారు భారీ బడ్జెట్ తో నిర్మించిన ఈ సినిమాపై భారీ అంచనాలు వున్నాయి. ఈ సినిమా తప్పకుండా హిట్ అవుతుందనే నమ్మకాన్ని రజనీకాంత్ వ్యక్తం చేసిన దగ్గర నుంచి అంచనాలు మరింతగా పెరిగాయి.
- Advertisement -
