తిరుమల అప్‌డేట్..

ప్రముఖ పుణ్యక్షేత్రం తిరుమలలో భక్తుల రద్దీ కొనసాగుతోంది. 31 కంపార్టుమెంట్లలో భక్తులు వేచిఉండగా స్వామివారి దర్శనానికి 10 గంటల సమయం పడుతుంది . నిన్న శ్రీవారిని 89,013 మంది భక్తులు దర్శించుకోగా 37,698 మంది తలనీలాలు సమర్పించుకున్నారు. హుండీ ద్వారా ఆదాయం రూ. 4.39 కోట్లు వచ్చిందని టీటీడీ అధికారులు వివరించారు.

ఇక ఇవాళ జరిగే టీటీడీ బోర్డు సమావేశంలో శ్రీవారి వార్షిక బ్రహ్మోత్సవాల ఏర్పాట్లు, స్లాటెడ్‌ సర్వదర్శనం టోకెన్ల జారీ పునరుద్ధరణ, టీటీడీ ఉద్యోగులకు ప్రమాద బీమా, నగదురహిత వైద్య సదుపాయాలపై చర్చించనున్నారు.