హీరోయిన్ స్టార్ ఇమేజ్ అందుకోవటం కోసం కష్టపడుతున్న లావణ్య త్రిపాఠి, యంగ్ హీరోలకు లక్కీ గర్ల్ గా మారుతోంది. చాలా రోజులుగా హిట్ కొసం ఎదురుచూస్తున్న హీరోలు లావణ్యతో జతకడితే హిట్ గ్యారెంటీ అన్న పేరు తెచ్చుకుంది ఈ బ్యూటి. అందాల రాక్షసి సినిమాతో ఎంట్రీ ఇచ్చిన ఈ బ్యూటి తొలి సినిమాతో అందం, అభినయంతో ఆకట్టుకున్నా సక్సెస్ మాత్రం అందుకోలేకపోయింది. ఇటీవల ఈ అమ్మడు హీరోయిన్ గా నటించిన సినిమాలన్నీ మంచి విజయాలు సాధిస్తుండటంతో వరుస ఆఫర్ లతో బిజీ అవుతోంది.
అక్కినేని నాగార్జున నిర్మాతగా నాగచైతన్య హీరోగా ‘సోగ్గాడే చిన్నినాయనా’ కల్యాణ్ కృష్ణ దర్శకత్వంలో ఓ సినిమా రూపొందనున్న విషయం తెలిసిందే. ఈ సినిమాకి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. ఈ సినిమాలో హీరోయిన్గా రకుల్ ప్రీత్ సింగ్ నటిస్తోంది.
అంతేకాదు మరో హీరోయిన్గా లావణ్య త్రిపాఠి నటించనుందని సమాచారం. ప్రస్తుతం సంప్రదింపులు జరుగుతున్నాయని సినీనిపుణులు అంటున్నారు. ఈ సినిమాలో జగపతిబాబు.. రావు రమేష్ ముఖ్యమైన పాత్రలను పోషిస్తున్నారు. ‘ప్రేమమ్’ సినిమా విడుదలైన తర్వాత, ఈ సినిమాను సెట్స్ పైకి తీసుకెళ్లే ఆలోచనలో దర్శకనిర్మాతలు ఉన్నారు.
ఈ చిత్రానికి ‘ఒకసారి ఇటు చూడవే’ అనే టైటిల్‌ను ఖరారు చేశారు. ఈ సినిమా లవ్, రొమాంటిక్ ఎంటర్ టైనర్‌గా ఉండనుందట. దేవిశ్రీప్రసాద్ సంగీతం అందించనున్న ఈ చిత్ర రెగ్యులర్ షూటింగ్ అక్టోబరు నెలలో ప్రారంభంకానుంది. త్వరలోనే ఈ చిత్రానికి సంబంధించిన మరిన్ని వివరాలు అధికారికంగా ప్రకటించనున్నారు.
అటు మరోవైపు వరుణ్ తేజ్ హీరోగా తెరకెక్కుతున్న మిస్టర్ సినిమాలో హీరోయిన్ గా నటిస్తోంది.
