మధ్యప్రదేశ్ రాష్ట్రంలోని జబల్పూర్లో ఉన్న బర్గి డ్యామ్ వద్ద జరిగిన క్రూయిజ్ బోట్ ప్రమాదంపై రాష్ట్ర ప్రభుత్వం తీవ్రంగా స్పందించింది. ఈ విషాద ఘటనపై సమగ్ర విచారణ నిమిత్తం న్యాయ విచారణకు ముఖ్యమంత్రి ఆదేశాలు జారీ చేశారు.
జబల్పూర్లోని ప్రసిద్ధ పర్యాటక ప్రాంతమైన బర్గి డ్యామ్ రిజర్వాయర్లో పర్యాటకులతో వెళ్తున్న క్రూయిజ్ బోట్ ప్రమాదానికి గురైంది. ఈ ఘటనలో ప్రాణనష్టం సంభవించడంతో ప్రభుత్వం విచారణను వేగవంతం చేసింది.
ఈ ప్రమాదం ఎలా జరిగింది? నిబంధనల ఉల్లంఘన ఉందా? అనే విషయాలను తేల్చడానికి ఒక న్యాయ కమిషన్ను ఏర్పాటు చేశారు.బోట్ నిర్వహణలో భద్రతా లోపాలు ఉన్నట్లు తేలితే సంబంధిత అధికారులపై, కాంట్రాక్టర్లపై కఠిన చర్యలు తీసుకుంటామని ప్రభుత్వం ప్రకటించింది.
రాష్ట్రవ్యాప్తంగా ఉన్న అన్ని జలాశయాల్లో బోటింగ్ కార్యకలాపాలపై భద్రతా తనిఖీలు నిర్వహించాలని అధికారులను ఆదేశించారు.ప్రమాదం జరిగిన వెంటనే సహాయక చర్యలు చేపట్టారు. బాధితులకు తగిన పరిహారం అందజేస్తామని ప్రభుత్వం హామీ ఇచ్చింది. భవిష్యత్తులో ఇలాంటి ఘటనలు పునరావృతం కాకుండా కఠినమైన భద్రతా ప్రోటోకాల్స్ను అమలు చేయాలని ప్రభుత్వం నిర్ణయించింది.
Also Read:ఓటీటీ ట్రెండింగ్లో ‘డెకాయిట్’