భారత మహిళల జట్టు కెప్టెన్ మిథాలీ రాజ్ మహిళల క్రికెట్లో ప్రపంచ రికార్డును నెలకొల్పింది. అత్యధిక వన్డేలు ఆడిన మహిళా క్రికెటర్గా చరిత్ర సృష్టించింది. ఇప్పటి వరకు 191 వన్డేలు ఆడి నంబర్-1 స్థానంలో ఉన్న ఇంగ్లాండ్ క్రికెటర్ చార్లెట్ ఎడ్వర్డ్స్ని వెనక్కి నెట్టి మిథాలి ప్రథమ స్థానాన్ని చేరుకుంది. ఇంగ్లాడ్తో 192వ వన్డేతో రికార్డు బ్రేక్ చేసింది.
1999 జూన్లో ఐర్లాండ్తో తొలి మ్యాచ్తో వన్డేలోకి మిథాలి అర్రంగేట్రం చేసింది. వన్డేల్లో 6 వేలకు పైగా పరుగులు చేసి భారత ప్లేయర్గా కొత్త చరిత్ర సృష్టించింది. ఇప్పటి వరకు 10 టెస్టులు, 72 టీ20ల్లో భారత్ తరపున ప్రాతినిధ్యం వహించింది. అత్యధిక వన్టేలు ఆడిన మహిళా క్రికెటర్ జాబితాలో టీమిండియా స్టార్ పేసర్ జులన్ గోస్వామి 167 మ్యాచ్లతో మూడో స్థానంలో కొనసాగుతుంది.
మిథాలీరాజ్ తన ఆట తీరుతో భారత్ మహిళల క్రికెట్కు కొత్త ట్రెండ్ను తీసుకొచ్చింది. ఎందరో విమర్శుకుల ప్రశంసలను పొందింది, భారత మహిళల క్రికెట్కు ఎన్నో విజయాలను అందించిన ఘనత మిథాలీరాజ్దీ. ఆమె మరిన్నీ విజయాలు అందించాలని, ఇంకా ఎన్నో రికార్డులు బ్రేక్ చేయాలని కోరుకుందా.
