రెబల్‌ స్టార్ ప్రభాస్ నటిస్తున్న భారీ బడ్జెట్ చిత్రం ‘ఆదిపురుష్’. రామాయణ ఇతిహాసం ఆధారంగా చాలా తెలియని కొత్త కోణాలను చూపే ప్రయత్నంగా మేకర్స్ ఈ సినిమాని సిద్ధం చేస్తున్నారు. ఈ సినిమాకు సంబంధించి శివరాత్రి పర్వదినం సందర్భంగా ఈరోజు ఓ అప్ డేట్ ఇచ్చారు చిత్ర బృందం. ఈ ఏడాది ఆగస్టు 11న ప్రపంచ వ్యాప్తంగా భారీ స్థాయిలో ఈ సినిమాను విడుదల చేయాలని భావించారు. అయితే రిలీజ్ డేట్‌ను వాయిదా వేశారు.
ఈ మూవీ వచ్చే ఏడాది సంక్రాంతి పండుగ సందర్భంగా జనవరి 12న త్రీడీ ఫార్మాట్లో విదుదల చేయనున్నట్టు ప్రకటించారు. ఈ చిత్రంలో సీతగా కృతి సనన్, రావణుడిగా సైఫ్ అలీ ఖాన్, లక్ష్మణుడిగా సన్నీ సింగ్ నటిస్తున్నారు. సినిమా విడుదల తేదీ మారిన విషయాన్ని ప్రభాస్ కూడా ట్విట్టర్ ద్వారా వెల్లడించాడు. ఇక పాన్ ఇండియా స్థాయిలో తెరకెక్కిన ఈ చిత్రాన్ని హిందీ, తెలుగు, తమిళం, కన్నడ, మలయాళం భాషల్లో విడుదల చేయనున్నారు.
