ఖలేజా తరువాత మహేష్‌బాబు, త్రివిక్రమ్ కాంబినేషన్ మళ్లీ మూవీ రాబోతుందా అంటే అవుననే అంటున్నాయి ఫిల్మ్ వర్గాలు. ఫస్ట్ టైం ఇద్దరి కాంబినేషన్ లో వచ్చిన అతడు త్రివిక్రమ్ కెరియర్ కు మంచి బూస్ట్ ఇచ్చింది. అయితే తరువాత ఖలేజా మాత్రం ఆశించినంత ఆకట్టుకోలేకపోయింది. ఇప్పుడు ముచ్చటగా మూడోసారి ప్రిన్స్, త్రివిక్రమ్ కలిసి పనిచేయనున్నారు.
మైత్రీ మూవీస్‌ నిర్మాణ సారథ్యంలో ఈసినిమా తెరకెక్కుతుందని సమాచారం. ప్రస్తుతం మహేష్ మురగాదాస్‌ తో సినిమా చేస్తున్నాడు. తర్వాత కొరటాల శివతో ఓ సినిమా చేస్తాడు. ఆ తరువాతే త్రివిక్రమ్‌తో సినిమా పట్టాలెక్కనుంది. ప్రస్తుతం త్రివిక్రమ్ కూడా పవన్‌కల్యాణ్‌ తో సినిమా చేయడానికి కసరత్తు చేస్తున్నాడు. అయితే త్రివిక్రమ్ తో సినిమా చేయడానికి ఎన్టీఆర్ కూడా ఆశపడుతున్నాడు.
ఈ విషయంలో త్రివిక్రమ్ ను తనకు వదిలేయాలని, ఎన్టీఆర్…. పవన్ ను రిక్వెస్ట్ చేస్తున్నట్టు వార్తలు కూడా వస్తున్నాయి. అయితే త్రివిక్రమ్ ఎవరితో ఎప్పుడు ఏ మూవీ చేస్తాడో తెలియదు. త్రివిక్రమ్ తన తరువాతి మూవీ పవన్ తో చేస్తే.. ఆతరువాత ఎన్టీఆర్ కాంబినేషన్ సెట్ అయ్యే అవకాశాలున్నాయి.
పవన్ గ్రీన్ సిగ్నల్ ఇస్తే..మాత్రం ముందు త్రివిక్రమ్ ఎన్టీఆర్ తోనే సినిమా చెయ్యాల్సి ఉంటుంది. ఈ మూవీ తరువాతే త్రివిక్రమ్, మహేష్ కాంబినేషన్‌లో సినిమా వచ్చే సూచనలున్నాయి.
