ప్ర‌ముఖ త‌మిళ హీరో అర‌వింద స్వామి త‌న న‌ట‌న‌తో మంచి గుర్తింపు తెచ్చుకున్నారు. హీరోగా చేస్తూ ప‌లు విల‌క్ష‌ణ పాత్ర‌ల్లో న‌టిస్తున్నాడు. త‌మిళ్ తో పాటు తెలుగు, క‌న్న‌డ భాష‌ల్లో అర‌వింద స్వామికి మంచి క్రేజ్ ఉంది. నేడు అర‌వింద స్వామి పుట్టిన‌రోజు.నేటితో 50సంవ‌త్స‌రాలు పూర్తి చేసుకున్నాడు ఈ త‌మిళ నటుడు. అర‌వింద స్వామి త‌ళ‌ప‌తి సినిమాతో త‌మిళ చిత్ర ప‌రిశ్ర‌మ‌లోకి అడుగుపెట్టాడు.
ప్ర‌ముఖ ద‌ర్శ‌కుడు మ‌ణిర‌త్నం ద‌ర్శ‌క‌త్వం వ‌హించిన ఈమూవీ భారీ విజ‌యాన్ని సొంతం చేసుకుంది. మొద‌టి సినిమాతోనే అర‌వింద్ స్వామికి మంచి గుర్తింపు వ‌చ్చింది. ఆ త‌రువాత ఆయ‌న న‌టించిన సినిమాలు రోజా, బాంబే, మిస‌ర‌క‌న‌వు, త‌నిఒరువ‌న్ సినిమాలు మంచి విజ‌యం సాధించాయి. తెలుగు, త‌మిళ్ తో పాటు బాలీవుడ్ లో కూడా న‌టించాడు. అర‌వింద్ స్వామి హీరోగా న‌టించిన రోజా, బాంబే సినిమాల‌కు జాతీయ అవార్డు ల‌భించింది.
అర‌వింద్ స్వామి 1994లో గాయ‌త్రి రామ‌మూర్తిని వివాహం చేసుకున్నాడు. వీరిద్ద‌రికి ఒక పాప, బాబు ఉన్నారు. కొన్ని వ్య‌క్తిగ‌త కార‌ణాల వ‌ల్ల వీరిద్ద‌రూ విడాకులు తీసుకున్నారు. అర‌వింద స్వామి ఇప్ప‌టివ‌ర‌కు దాదాపు 25 సినిమాల్లో న‌టించాడు. ప్ర‌స్తుతం త‌మిళ‌నాడు మాజీ ముఖ్య‌మంత్రి ఎంజీ రామ‌చంద్ర‌న్ బ‌యోగ్ర‌ఫీలో హీరోగా న‌టిస్తున్నాడు. ఈసినిమాను తెలుగు, త‌మిళ్, హిందీలో భాష‌ల్లో తెర‌కెక్కిస్తున్నారు. ఈరోజు అర‌వింద స్వామి పుట్టిన‌రోజు సంద‌ర్బంగా చాలా మంది ఆయ‌న‌కు సోషల్ మీడియా ద్వారా శుభాకాంక్షాలు తెలుపుతున్నారు.
