సౌతిండియాలో నిన్నటితరం డాన్స్ మాస్టర్లలో ప్రముఖుడిగా పేరు తెచ్చుకున్నారు ముగురు సుందర్… అలియాస్ సుందరం మాస్టార్. ఆయన వారసుడిగా సినిమా రంగంలోకి అడుగు పెట్టిన ప్రభుదేవా ఇండియన్ మైఖేల్ జాక్సన్ గా కీర్తి పొందిన సంగతి తెలిసిందే.
అయితే ఈ ఇద్దరూ కలిసి డాన్స్ చేస్తూ కనిపించిన సందర్భాలు చాలా అరుదు. తాజాగా ఓ ప్రైవేటు ఛానెల్‌ ప్రోగ్రామ్‌లో భాగంగా ప్రభుదేవా తన తండ్రితో కలిసి స్టెప్పులేశారు. ‘నేను, నాన్న… అద్భుతమైన క్షణాలు, ఎన్నటికీ మర్చిపోలేను’ అని ప్రభుదేవా ట్వీట్‌ చేశారు. ఇద్దరూ కలిసి డ్యాన్స్‌ చేసిన వీడియోను రీట్వీట్‌ చేశారు.
ప్రభుదేవా… ఈ పేరు విన‌గానే ఒక స్ప్రింగ్ మ‌న‌కు గుర్తుకు వ‌స్తుంది. ఎందుకంటే ప్రభుదేవా వేసే డాన్స్ స్టెప్పులు స్ప్రింగ్‌ను త‌ల‌పిస్తాయి. డాన్స్ తో, డైరెక్ష‌న్‌తో అంద‌రి మ‌న్న‌న‌లు పొందాడు ప్రభుదేవా. డాన్స్ ను ఇంత‌లా ప్రేమించే ప్రభుదేవా తన‌కు ఇన్స్‌ పిరేష‌న్ మాత్రం కింగ్ ఆఫ్ పాప్ మైఖేల్ జాక్సన్ అని ఎప్పుడూ చెబుతాడు. ఆ త‌ర్వాత తన తండ్రి సుందరం మాస్ట‌రే అని చెబుతాడు.
సుందరం మాస్టార్ తనయుల్లో రాజు సుందరం కూడా కొరియోగ్రాఫర్‌గా రాణిస్తున్నాడు. ఇప్పుడంటే చాలామంది కొరియోగ్రాఫర్స్‌ ఉన్నారుగానీ, ఒకానొక కాలంలో సుందరం మాస్టార్ ఇంకొందరు మాత్రమే ఉండేవారు. అప్పట్లో ఏ సూపర్‌ హిట్‌ సినిమా వచ్చినా అందులో అద్భుతమైన కొరియోగ్రఫీతో సుందరం మాస్టార్ పాటలు ఉండేవి. తెలుగు, తమిళ సినిమాలకు సరికొత్త డాన్సులు నేర్పిన ‘గురువు’గా సుందరం మాస్టార్‌ని సినీ ప్రేమికులు ఎప్పటికీ గుర్తుపెట్టుకుంటారు.
తండ్రికి తగ్గ తనయుడే కాదు, తండ్రిని మించిన తనయుడిగా ప్రభుదేవా డాన్సుల్లో రాణిస్తున్నాడు. కొరియోగ్రఫీని కేవలం తన సినిమాలకే పరిమితం చేసిన ప్రభుదేవా, దర్శకుడిగా రాణిస్తూ, అప్పుడప్పుడూ నటుడిగా కూడా కనిపిస్తూ సినీ ప్రేక్షకుల్ని అలరిస్తున్న విషయం తెలుసు కదా. ప్రభుదేవా నటించి, నిర్మిస్తున్న ‘అభినేత్రి’ సినిమా విడుదలకు సిద్ధమవుతోంది.
రీసెంట్‌గా ఓ రియాల్టీ డాన్స్ షోకు ముఖ్య అతిథిగా వ‌చ్చిన ప్ర‌భుదేవాకు పెద్ద స‌ర్ప్రైజ్ ఇచ్చింది ఆ టెలివిజ‌న్ ఛానెల్‌. ప్రభుదేవా త‌ల్లిదండ్రులు కూడా అదే షోలో ప్ర‌త్య‌క్షమ‌వ‌డంతో చాలా సంతోష‌ప‌డ్డాడు ఇండియన్ మైఖేల్ జాక్సన్. ఇక ప్రభుదేవా చిన్న‌త‌నంలో చాలా అల్‌ రి చేసేవాడ‌ని… అదే స‌మ‌యంలో చాలా డిసిప్లిన్‌గా కూడా ఉండేవాడ‌ని ప్రభుదేవా గురించి వివ‌రించారు తండ్రి సుందరం మాస్టర్.
ప్ర‌భుదేవాతో కలిసి స్టెప్పులు వేయాల్సిందిగా సుందరం మాస్ట‌ర్‌ను షో వ్యాఖ్యాత కోర‌గా అందుకు సున్నితంగా తిర‌స్క‌రించారు సుందరం మాస్టర్. తాను ఒక్క‌డినే స్టెప్పులేస్తానంటూ చాలా హుషారుగా చెప్ప‌డంతో ఆడియెన్స్ క‌ర‌తాళ‌ధ్వ‌నుల‌తో హ‌ర్షం వ్య‌క్తం చేశారు. ప్రభుదేవా డాన్స్ చేసిన ఓ సాంగ్‌కు సుందరం మాస్టర్ స్టెప్పులేసి అక్క‌డి వారిని అల‌రించాడు. అనంత‌రం తండ్రీ కొడుకులు కలిసి మరో పాట‌కు డాన్స్ వేయ‌డంతో ఆ సెట్‌లోని వారంతా లేచి నిల‌బ‌డి చ‌ప్ప‌ట్లు కొట్టారు.
https://youtu.be/xVY89gSfAfw
