సమంత లేటెస్ట్ సూపర్ హిట్ మూవీ యశోద ప్రస్తుతం థియేటర్స్ లో ఆడుతుంది. ఇప్పటికే ముప్పై కోట్లకు పైగా థియేటర్స్ నుండి వసూళ్లు చేసిన ఈ సినిమా నాన్ థియేటర్స్ పరంగానూ మంచి రేటు అందుకుంది. త్వరలోనే ఓటీటీ లో రాబోతున్న ఈ సినిమా ఓ చిక్కొచ్చింది.
సరోగసి నేపథ్యంతో క్రైమ్ థ్రిల్లర్ గా తెరకెక్కిన ఈ సినిమాలో Eva అనే హాస్పిటల్ ను చూపించారు. అసలు క్రైమ్ అంతా ఆ హాస్పిటల్ లోనే జరుగుతుంది అన్నట్టుగా చూపించారు దర్శకులు హరి – హరీష్ . అయితే ఇదే పేరుతో హైదరాబాద్ లో ఓ హాస్పిటల్ ఉంది. దీంతో తాజాగా ఆ హాస్పిటల్ యాజమాన్యం సినిమా మీద కేసు వేస్తూ నిర్మాతకి వార్నింగ్ ఇచ్చారు.
ప్రస్తుతం ఈ కేసు కోర్టులో ఉంది. డిసెంబర్ రెండో వారంలో కేసు పై తీర్పు రానుంది. ఈ లోపు సినిమా ఓటీటీ రిలీజ్ పై కోర్టు స్టే ఇచ్చింది. తీర్పు వచ్చే వరకూ సినిమా డిజిటల్ లో రిలీజ్ అవ్వకూడదని స్టే ఇచ్చింది. దీంతో ఇప్పుడు సమంత సూపర్ హిట్ మూవీ కి ఓటీటీ చిక్కేదురైంది. వచ్చే వారం సినిమా ఓటీటీ లో రిలీజ్ అవ్వాల్సి ఉంది.కానీ కోర్టు స్టే కారణంగా ఇప్పుడు సినిమా డిజిటల్ రిలీజ్ వాయిదా పడింది. మరి యశోద ఓటీటీ ప్రేక్షకుల ముందుకొచ్చేదెప్పుడో ?
ఇవి కూడా చదవండి…
