IPL చరిత్రలోనే పెద్ద ట్రేడ్ డీల్స్లో ఒకటిగా రాజస్థాన్ రాయల్స్ తమ కెప్టెన్ సంజు సామ్సన్ను చెన్నై సూపర్ కింగ్స్కి ఇచ్చి, బదులుగా రవీంద్ర జడేజా మరియు సామ్ కరన్లను అందుకుంది. మొదట్లో, ఇరు జట్లు సామ్సన్–జడేజా వన్-ఫర్-వన్ మార్పిడిపై చర్చించాయి, ఎందుకంటే ఇద్దరి రిటెన్షన్ విలువ రూ.18 కోట్లు సమానం. అయితే, చర్చల్లో రాజస్థాన్ కఠినంగా వ్యవహరించింది.దీంతో CSK మెగా వేలంలో INR 2.4 కోట్లకు కొనుగోలు చేసిన సామ్ కరన్ను కూడా డీల్లో చేర్చుకునేలా చేసింది. ఈ విధంగా ఇది హై–ప్రొఫైల్ మూడు ఆటగాళ్ల ట్రేడ్గా మారింది.
కానీ అసలు ఆసక్తి డీల్ ఎలా జరిగిందన్న దానిలో లేదు—సంవత్సరాల పాటు RR ముఖచిత్రంగా ఉన్న సామ్సన్ ఎందుకు వెళ్లాలని నిర్ణయించుకున్నాడన్నది అందరిలో చర్చనీయాంశమైంది.
అయితే ఇందుకు కారణాలు ఉన్నాయి. జోస్ బట్లర్ను రాజస్థాన్ విడుదల చేయడం మొదటి పెద్ద దెబ్బ. బట్లర్ కేవలం స్టార్ ఆటగాడు మాత్రమే కాదు, రాయల్స్ అనేక గెలుపుల్లో కీలకపాత్ర పోషించాడుఉ. శాంసన్, జైస్వాల్తో కలిసి, IPLలో అత్యంత నమ్మదగిన టాప్-ఆర్డర్లలో ఒకటిగా ఉన్నాడు. ఆ కాంబినేషన్ను చెదరగొట్టడం సామ్సన్కు నచ్చలేదు.
యుజ్వేంద్ర చాహల్, రవిచంద్రన్ అశ్విన్లను విడుదల చేయడం అతని అసహనాన్ని మరింత పెంచింది. ఇద్దరూ సీనియర్ ఆటగాళ్లు, నాయకత్వ సమూహంలో కీలక సభ్యులు. కెప్టెన్గా తన అభిప్రాయాలను సరైన విలువ ఇవ్వకుండా జట్టు రీబిల్డింగ్ దిశగా వెళ్తోందని శాంసన్ భావించాడు.
శాంసన్ వెళ్లిపోవడానికి మరో ప్రధాన కారణం అతని ఇష్టమైన బ్యాటింగ్ స్థానంపై సాగిన విభేదం. శాంసన్ చాలా కాలంగా ఓపెనింగ్ చేయాలన్న కోరిక వ్యక్తం చేస్తూనే ఉన్నాడు. కానీ మేనేజ్మెంట్ యువకులైన వైభవ్ సూర్యవంశీ–జైస్వాల్ ఓపెనింగ్ జోడీని నమ్మాలనుకుంది. IPL 2025ను శాంసన్ ఓపెనర్గా ప్రారంభించాడు, కానీ ఆరంభంలో వచ్చిన గాయం కారణంగా సైడ్లైన్ అయ్యాడు. అతని స్థానంలో వచ్చిన సూర్యవంశీ అద్భుతంగా మెరవడంతో, అతను తిరిగి వచ్చే సమయానికి RR కొత్త ఓపెనింగ్ కాంబినేషన్ను కనుగొంది, దాన్ని మార్చేందుకు జట్టు సిద్ధంగా లేదు.
దీంతో శాంసన్ను నెంబర్ 3కి మార్చారు. అది ముఖ్యమైన పాత్రే అయినప్పటికీ, తన ప్రభావం తగ్గిందని భావించాడు శాంసన్. IPL 2025 ముగిసిన తర్వాత చెన్నై సూపర్ కింగ్స్ తమ ఆసక్తిని స్పష్టంగా తెలియజేశాయి. శాంసన్కు CSK అనేది కెరీర్ శిఖరస్థాయిలో ఒక ఆటగాడు కోరుకునే ప్రతిదీ కలిగిన జట్టు—స్థిరత్వం, స్పష్టత, ఛాంపియన్షిప్ సంస్కృతి. కానీ అతని నిర్ణయాన్ని అత్యంత ప్రభావితం చేసినది ఎంఎస్ ధోని కింద పనిచేసే అవకాశం.
Also Read:BB9:హౌస్మేట్స్కు సర్ప్రైజ్
ధోని తన కెరీర్ చివరి అధ్యాయానికి చేరుకుంటున్న తరుణంలో, భవిష్యత్ నాయకత్వ బాధ్యతలు తీసుకునే అరుదైన అవకాశాన్ని సామ్సన్ చూశాడు. మరోవైపు, రాయల్స్తో వరుసగా ఒత్తిడులు ఎదుర్కొని, అంతర్గత వివాదాలను సమసమయం చేయడంలో విసిగి పోయిన తరువాత, అతనికి ఇది సరైన సమయం అనిపించింది. CSK యొక్క నిర్మాణం, సంస్కృతి, దీర్ఘకాల దృష్టికోణం ఈ మార్పును అతనికి సులభ నిర్ణయంగా మార్చాయి.