ఆర్ ఆర్ ఆర్ తర్వాత మెగా పవర్ స్టార్ రామ్ చరణ్ శంకర్ దర్శకత్వంలో గేమ్ ఛేంజర్ మూవీ చేస్తున్న సంగతి తెలిసిందే. పోలిటికల్ బ్యాక్ డ్రాప్ లో రూపొందుతున్న ఈ మూవీ కోసం అభిమానులు ఆసక్తిగా ఎదురు చూస్తున్నారు. సెట్స్ పైకి వెళ్ళి చాలా రోజులౌతున్న ఇంతవరకు మూవీపై రిలీజ్ విషయంలో ఎలాంటి క్లారిటీ రావడం లేదు. దీంతో ఈ చిత్ర యూనిట్ పై మెగా అభిమానులు ఫైర్ అవుతున్నారు. డైరెక్టర్ శంకర్ గేమ్ ఛేంజర్ మూవీతో పాటు ఇండియన్ 2 మూవీని కూడా ప్యారలల్ గా తెరకెక్కిస్తున్నారు. అందువల్ల గేమ్ ఛేంజర్ షూటింగ్ డిలే అవుతున్నట్లు ఇండస్ట్రీ వర్గాల్లో గుసగుసలు వినిపిస్తున్నాయి. ఇక ప్రస్తుతం గేమ్ ఛేంజర్ మూవీ కంటే ఇండియన్ 2 పైనే శంకర్ ఎక్కువగా ఫోకస్ చేస్తున్నట్లు తెలుస్తోంది. ఈ చిత్రాన్ని ఈ ఏడాది ఆగస్ట్ లో రిలీజ్ చేసే విధంగా ప్లాన్ చేస్తున్నారట. అందుకే డైరెక్టర్ శంకర్ గేమ్ ఛేంజర్ మూవీని ప్రస్తుతానికి లైట్ తీసుకుంటున్నారట. .
అయితే కనీసం అప్డేట్స్ విషయంలోనైనా యాక్టివ్ గా ఉండాలని మెగా అభిమానులు కోరుకుంటున్నారు. ఇప్పటివరకు ఒక్క టైటిల్ పోస్టర్ మినహా ఎలాంటి గ్లిమ్స్ గాని, టీజర్ గాని విడుదల చేయలేదు చిత్ర యూనిట్. అయితే ప్రస్తుతం ఇండస్ట్రీ వర్గాల్లో వినిపిస్తున్న టాక్ ప్రకారం ఈ మూవీని వచ్చే ఏడాది సంక్రాంతి లేదా సమ్మర్ కు రిలీజ్ చేసే ఆలోచనలో ఉన్నారట. ఈ మూవీతో పాటు బుచ్చిబాబు సనా దర్శకత్వంలో ” RC 16 ” ప్రాజెక్ట్ కు ఒకే చెప్పాడు రామ్ చరణ్. మరి గేమ్ ఛేంజర్ మూవీ ఆలస్యం అవుతుండడంతో RC 16 కోసం మెకోవర్ అయ్యేందుకు చరణ్ సిద్దమౌతున్న ట్లు ఇండస్ట్రీ వర్గాల్లో గుసగుసలు వినిపిస్తున్నాయి. మరి అటు గేమ్ ఛేంజర్, ఇటు RC 16 రెండు క్రేజీ ప్రాజెక్ట్స్ కావడంతో ఈ రెండు మూవీస్ కోసం అభిమానులు ఆసక్తిగా ఎదురు చూస్తున్నారు.
Also Read:8 నుండి రాష్ట్ర అసెంబ్లీ సమావేశాలు..
