ప్రపంచవ్యాప్తంగా అత్యధిక మంది స్మార్ట్‌ఫోన్ యూజర్లు వాడుతున్న ఇన్‌స్టంట్ మెసెంజర్ యాప్ వాట్సప్. ఎన్నో ఇన్‌స్టంట్ మెసెంజర్ యాప్‌లు అందుబాటులోకి వచ్చినా.. వాట్సప్ ఆకట్టుకున్నంతగా ఆకర్షించలేకపోయాయి. ఎప్పటికప్పుడు సరికొత్త పీచర్స్‌తో వినియోగదారులకు దగ్గరవుతున్న వాట్సాప్ గ‌తేడాది వాట్సాప్ పే ( Whatsapp Pay ) సేవ‌ల‌ను ప్రారంభించిన విష‌యం తెలిసిందే.
ఈ సేవ‌ల‌ను యూజ‌ర్ల‌కు మరింత చేరువ చేయ‌డానికి, సులువుగా పేమెంట్స్ జ‌రిగిపోవ‌డానికి వీలుగా ఇండియ‌న్ రూపీ(₹) సింబ‌ల్‌ను వాట్సాప్ చాట్ బాక్స్‌లో యాడ్ చేసింది.
ప్ర‌స్తుతం పేమెంట్స్ చేయ‌డానికి రెండు ద‌శ‌లు దాటాల్సి ఉండ‌గా.. ఈ తాజా అప్‌డేట్‌తో ఆ ప‌ని మరింత సులువుగా జ‌రిగిపోనుంది. ఇక నుంచి పేమెంట్స్ కోసం కెమెరా యాప్ అన్ని మేజ‌ర్ క్యూఆర్ కోడ్స్‌ను గుర్తించ‌నుంది. యూజర్లు డ‌బ్బు బ‌దిలీ చేయ‌డానికి, ఆఫ్‌లైన్ పేమెంట్స్ చేయ‌డానికి ఇది ఉప‌యోగ‌ప‌డ‌నుంది.
