కొనసాగుతున్న పశ్చిమ బెంగాల్‌ 7వ విడత పోలింగ్..

పశ్చిమ బెంగాల్‌లో ఎన్నికల హడావుడి ఆసక్తికరంగా మారింది. అసెంబ్లీకి ఏడవ విడత ఎన్నికలు ఈరోజు జరగనున్నాయి. ఎన్నికల్లో భాగంగా ఈ ఉదయం ఏడు గంటలకు ఏడో విడత పోలింగ్ ప్రారంభమైంది. ఈ దశలో మొత్తం 34 అసెంబ్లీ నియోజకవర్గాల్లో ఎన్నికలు జరుగుతుండగా, 284 మంది అభ్యర్థులు బరిలో ఉన్నారు. 86 లక్షల మంది తమ ఓటు హక్కును వినియోగించుకోనున్నారు.

రాష్ట్రంలో ఇప్పటి వరకు జరిగిన ఆరు విడతల ఎన్నికలను దృష్టిలో పెట్టుకుని ఎలాంటి అవాంఛనీయ ఘటనలు జరగకుండా అన్ని పోలింగ్ కేంద్రాల వద్ద గట్టి పోలీసు బందోబస్తు ఏర్పాటు చేశారు. మొత్తం 796 కంపెనీల కేంద్ర బలగాలను మోహరించారు. ఓటు హక్కును వినియోగించుకునేందుకు ఓటర్లు పెద్ద ఎత్తున తరలివస్తున్నారు.