మెగా ఫ్యాన్స్‌ ఎప్పుడెప్పుడా అని ఎదురుచూస్తున్న మెగాస్టార్‌ చిరంజీవి నటించిన వాల్తేరు వీరయ్ ట్రైలర్‌ రిలీజ్‌ అయింది. పూనకాలు లోడింగ్‌ … అంటూ సినిమా దర్శకుడు బాబీ చెప్పిన మాటలు ఇప్పుడు అక్షర సత్యాలు అంటూ మెగా ఫ్యాన్స్‌ పండుగ చేసుకుంటున్నారు. వాల్తేరు వీరయ్య సినిమా థియేటర్‌ లో మోతమోగిపోవడం ఖాయమంటూ అంచనాలు విపరీతంగా పెరుగుతున్నాయి.
ట్రైలర్‌లో చిరంజీవి రెట్రో లుక్‌లో అదరగొట్టాడు. ఒకవైపు మాస్‌ యాక్షన్‌ స్టైల్‌ చూపిస్తూనే.. తన పాత స్టైల్‌ కామెడీతో అదరగొట్టాడు. మాస్‌ అనే పదానికి బొడ్డు కోసి పేరు పెట్టిందే ఆయన్ను చూసి.. రికార్డుల్లో పేరు ఉండటం కాదు.. నా పేరు మీదే రికార్డులు ఉన్నాయనే డైలాగులు ఫ్యాన్స్‌కు మంచి కిక్‌ ఇచ్చేలా ఉన్నాయి. రవితేజ, చిరంజీవి కాంబినేషన్‌లో సీన్స్‌కు విజిల్‌ పడటం పక్కా అన్నట్టుగా కనిపిస్తోంది. సంక్రాంతి కానుకగా ఈ నెల 12వ తేదీన ప్రేక్షకుల ముందుకు రాబోతున్న ఈ సినిమాలో చిరంజీవి సరసన హీరోయిన్‌ గా శృతిహాసన్‌ నటించింది. సంక్రాంతి బరిలోకి దిగుతున్న ఈ సినిమా ప్రేక్షకులను ఏమేరకు ఆకట్టుకుంటుందో చూడాలి.
