శ్రీ కల్పతరు సంస్థాన్ నుండి ఎంపీ సంతోష్‌కు ఆహ్వానం..

టీఆర్‌ఎస్‌ ఎంపీ సంతోష్‌కు అరుదైన ఆహ్వానం లభించింది. శ్రీ కల్పతరు సంస్థాన్ ఎన్జీవో ఆధ్వర్యంలో రాజస్థాన్ జైపూర్‌లో ఏప్రిల్ 2న వృక్ష మిత్ర సమ్మాన్ సమారోహ్ కార్యక్రమం జరగనుంది. ఈ కార్యక్రమంలో పాల్గొనవల్సిందిగా రాజ్యసభ సభ్యులు,గ్రీన్ఇండియా ఛాలెంజ్ సృష్టికర్త జోగినిపల్లి సంతోష్ కుమార్‌కు ఆహ్వానం పంపించారు శ్రీ కల్పతరు సంస్థాన్ ఎన్జీవో వ్యవస్థాపకుడు,ట్రీ మ్యాన్ ఆఫ్ ఇండియా విష్ణు లంబా. ఈ కార్యక్రమంలో ప్రపంచ పర్యావరణవేత్త ఏరిక్ సోల్హైం పాల్గొననున్నారు.

ఈ కార్యక్రమానికి ఆహ్వానించినందుకు ట్రీ మ్యాన్ ఆఫ్ ఇండియా విష్ణు లాంబాకి ధన్యవాదాలు తెలుపుతూ మాతృభూమిని మరింత అందంగా తీర్చిదిద్దాలని నిశ్చయించుకున్న మీలాంటి వారిని కలుసుకునెందుకు ఉత్సాహంగా ఎదురుచూస్తున్నట్లు ఎంపీ సంతోష్ కుమార్ ట్విట్టర్ వేదికగా తెలిపారు.