విష్ణు సేఫ్‌గానే ఉన్నాడు…

‘ఆచారి ఆమెరికా యాత్ర’ సినిమా షూటింగ్ మలేసియాలో జరుగుతుండగా, ఈ రోజు షూటింగ్ లో ఛేజింగ్ సీన్ చేస్తున్న సమయంలో యాక్సిడెంట్ అయి మంచు విష్ణు గాయపడి, ఆసుపత్రిలో చికిత్స పొందుతున్న సంగతి తెలిసిందే.

దీనిపై విష్ణు తండ్రి మోహన్ బాబు, సోదరి మంచు లక్ష్మీ ప్రసన్న, సోదరుడు మంచు మనోజ్ సోషల్ మీడియా వేదికగా స్పందించారు.

దేవుడి దయ వల్ల నా కుమారుడు సురక్షితంగా ఉన్నాడని ఆయన అన్నారు. ఇక ఇదే విషయంపై సోషల్‌ మీడియాలో స్పందించిన విష్ణు సోదరి మంచు లక్ష్మీ, సోదరుడు మంచు మనోజ్‌లు అందరి ఆశీస్సుల వల్ల సురక్షితంగా ఉన్నాడని తెలిపారు.

ఇదిలా ఉంటే ఈ ప్రమాదం జరిగినప్పుడు బైక్‌పై విష్ణుతో పాటు ప్రగ్యా జైశ్వాల్‌ కూడా ఉంది. అయితే ఈ ప్రమాదంలో ఆమె ఎలాంటి గాయాలు తగలకుండా సేఫ్‌గా బయటపడ్డారు.