నటుడు విశాల్ ప్రస్తుతం సినిమాలతోనే కాదు చిత్ర పరిశ్రమలో నెలకొన్న పలు సమస్యలపై పోరాడుతూ బిజీగా ఉన్నాడు. అయితే ఆయన పెళ్లికి సంబంధించి పలురకాల వార్తలు చక్కర్లు కొడుతున్నాయి. ఓ అమ్మాయి ఫొటో పెట్టి.. విశాల్ వివాహం అనీషా అనే అమ్మాయితో జరగనుందని, హైదరాబాద్లో వీరి ఎంగేజ్మెంట్ ఉంటుందని పలు కథనాలు ప్రచురించారు. విశాల్ పెళ్లాడనున్నారని కొన్ని పత్రికలు, వెబ్సైట్లు వార్తలు ప్రచురించాయి. దీన్ని చూసి ఆశ్చర్యపోవడం విశాల్ వంతైంది. అంతేకాదు నడిఘర్ సంఘం భవనంలోనే విశాల్ పెళ్ళి చేసుకుంటాడని అన్నారు.
ఈ వార్తలపై విశాల్ తన ట్విట్టర్ వేదికగా స్పందించాడు. నా వివాహం గుర్తించి వస్తున్న తప్పుడు కథనాలు, తప్పుడు వార్తలు నన్ను ఆశ్చర్యానికి గురి చేస్తున్నాయి. వార్త ప్రచురించేముందు నిజమేంటో తెలుసుకోండి. ఇది నా వ్యక్తిగత జీవితం. నా పెళ్లి గురించి త్వరలోనే అధికారికంగా ప్రకటిస్తాను. అప్పటి వరకు తప్పుడు వార్తలని ప్రచారం చేయకండి అని విశాల్ స్పష్టం చేశారు.