టీమిండియా కెప్టెన్ విరాట్ కోహ్లి వరుసగా రెండోసారి విజ్డన్ క్రికెటర్ ఇఫ్ ద ఇయర్‌ అవార్డుకు ఎంపికయ్యాడు. కోహ్లీతో పాటు భారత మహిళా క్రికెట్ జట్టు కెప్టెన్ మిథాలీ రాజ్ సైతం ఈ అవార్డుకు ఎంపికైంది.
అత్యంత విజయవంతమైన ఇంటర్నేషనల్ క్రికెటర్‌గా కోహ్లీ నిలవడంతో ఈ అవార్డు వరించింది. టెస్టు,వన్డే,టీ20లు కలిపి 2818 పరుగులతో ఒక క్యాలెండర్ ఇయర్‌లో అత్యధిక పరుగులు సాధించిన ఆటగాడిగా నిలిచాడు.
భారత జట్టును మహిళల ప్రపంచకప్ ఫైనల్ వరకు తీసుకెళ్లిన మిథాలీ రాజ్ మహిళల విభాగంలో వన్డేల్లో ఆల్‌టైమ్ లీడింగ్ రన్-స్కోరర్‌గా నిలిచింది. అలాగే వరుసగా ఏడు అర్ధశతకాలు నమోదు చేసిన ఏకైక మహిళా క్రికెటర్‌గా చరిత్ర సృష్టించిన సంగతి తెలిసిందే.
వరల్డ్‌కప్ గెలిచిన ఇంగ్లాండ్ విమెన్స్ టీమ్‌లో ముగ్గురు క్రీడాకారిణులు అన్యా శ్రుబోస్లే, కెప్టెన్ హీదర్ నైట్, ఆల్‌రౌండర్ నటాలీ సీవెర్‌లకు ఈ జాబితాలో చోటు దక్కింది.
