కోహ్లీ గొప్ప ఆటగాడే కానీ..!

మహేంద్రసింగ్ ధోని కెప్టెన్సీ నుండి తప్పుకున్న తర్వాత టీమిండియా పగ్గాలు చేపట్టిన కోహ్లీపై అనేక ప్రశ్నలు,సందేహలు. కాని వాటిని పటాపంచలు చేస్తూ అద్వీతియ ప్రతిభతో జట్టుకు చిరస్మరణీయ విజయాలను అందించాడు విరాట్. జట్టుకు విజయాలను అందించడమే కాదు తన ఆటతీరుతో ప్రపంచవ్యాప్తంగా అభిమానులను సంపాదించుకున్నాడు.

త్వరలో న్యూజిలాండ్ జట్టు భారత పర్యటనరానున్న నేపథ్యంలో ఆసక్తికరవ్యాఖ్యలు చేశారు ఆ జట్టు సీనియర్ ఆటగాడు రాస్ టేలర్. గతంలో కంటే భారత జట్టు ఇప్పుడు చాలా బలంగా ఉందని కోహ్లీ ఒక్కడిపైనే దృష్టిపెడితే నష్టపోవడం ఖాయమన్నారు.

కోహ్లి కంటే ముందు ఓపెనర్లు రోహిత్ శర్మ, శిఖర్ ధావన్‌లను అడ్డుకోవాలని సూచించాడు. కోహ్లి గొప్ప ఆటగాడు అనడంలో ఎలాంటి సందేహం లేదని అయితే ధావన్, రోహిత్‌ల రూపంలో భారత్ మంచి ఓపెనింగ్ జోడీ ఉందని, కోహ్లి కంటే ముందుగా వారిని అడ్డుకోవాలన్నాడు.