మరో అరుదైన ఫీట్ ముంగిట విరాట్..!

టీమిండియా మాజీ కెప్టెన్‌ విరాట్‌ కోహ్లీ మరో అరుదైన ఫీట్ అందుకోనున్నాడు. వెస్టిండిస్‌తో జరగనున్న సిరీస్‌లో మరో ఆరు పరుగులు జోడిస్తే సొంతగడ్డపై వన్డేల్లో ఐదు వేల పరుగులు సాధించిన రెండో ఆటగాడిగా నిలవనున్నాడు విరాట్.

తొలి వన్డేలో కోహ్లీ 6 రన్స్‌ చేస్తే.. 96 మ్యాచుల్లోనే ఈ ఘనత సాధించవచ్చు. సచిన్‌ కూడా వెస్టిండీస్‌పైనే ఈ రికార్డును అందుకోవడం విశేషం. ఇంతకు ముందు సచిన్‌ మాత్రమే ఈ ఫీట్‌ సాధించాడు. అయితే సచిన్‌ ఈ మేలురాయిని చేరుకోవడానికి 121 ఇన్నింగ్సులు ఆడాడు.

వన్డే ఫార్మాట్‌లో భారత్‌కు ఇది 1000వ మ్యాచ్‌ కావడం విశేషం. ఇప్పటి వరకు ఏ ఒక్క జట్టు కూడా 50 ఓవర్ల ఫార్మాట్‌లో వెయ్యి మ్యాచ్‌లు ఆడలేదు.