న్యూజిలాండ్తో జరుగుతున్న మల్టీ–ఫార్మాట్ సిరీస్లోని తొలి వన్డేలో టీమ్ ఇండియా తరఫున విరాట్ కోహ్లీ అసాధారణ ప్రదర్శన కనబరిచాడు. ప్లేయర్ ఆఫ్ ద మ్యాచ్ అవార్డు అందుకున్న ఈ ఇన్నింగ్స్తో కోహ్లీ, లెజెండరీ బ్యాటర్ సచిన్ టెండూల్కర్ రికార్డు దిశగా మరింత దగ్గరయ్యాడు.
జనవరి 11న వడోదరలోని కోటాంబి స్టేడియంలో జరిగిన ఈ మ్యాచ్లో భారత్–న్యూజిలాండ్ జట్లు తలపడ్డాయి. 301 పరుగుల లక్ష్యంతో బరిలోకి దిగిన భారత జట్టు అద్భుతంగా ఛేజ్ పూర్తి చేసి విజయాన్ని అందుకుంది.
ఈ విజయానికి ప్రధాన కారణం విరాట్ కోహ్లీ ఇన్నింగ్స్. రన్ ఛేజ్లో బ్యాటింగ్కు వచ్చిన కోహ్లీ 91 బంతుల్లో 93 పరుగులు చేసి జట్టును గెలుపు దిశగా నడిపించాడు. అతని అద్భుత ప్రదర్శనకు ప్లేయర్ ఆఫ్ ద మ్యాచ్ అవార్డు కూడా దక్కింది.
ఇది వన్డే క్రికెట్లో కోహ్లీకి 45వ ప్లేయర్ ఆఫ్ ద మ్యాచ్ అవార్డు కావడం విశేషం. ఈ క్రమంలో అతను ఈ జాబితాలో మూడో స్థానంలో ఉన్నాడు. రెండో స్థానంలో శ్రీలంక మాజీ క్రికెటర్ సనత్ జయసూర్య (48 అవార్డులు) ఉండగా, అగ్రస్థానంలో సచిన్ టెండూల్కర్ 62 అవార్డులతో కొనసాగుతున్నారు.
Also Read:‘మన శంకర వరప్రసాద్ గారు’..రివ్యూ