రామ్‌..రామ్‌..రామ్‌ కొణిదెల

మెగా పవర్‌స్టార్‌ రామ్‌చరణ్‌-బోయపాటి శ్రీను దర్శకత్వంలో తెరకెక్కుతున్న చిత్రం వినయ విధేయ రామ. ఇటీవలె దీపావళి సందర్భంగా ఫస్ట్ లుక్‌ని విడుదల చేసిన చిత్రయూనిట్ తాజాగా టీజర్‌ని రిలీజ్ చేసింది.

‘అన్నయ్యా..వీడిని చంపేయాలా? భయపెట్టాలా?’ భయపెట్టాలంటే పది నిమిషాలు, చంపేయాలంటే పావుగంట.. ఏదైనా ఓకే. సెలెక్ట్‌ చేస్కో’ అంటూ రామ్‌చరణ్‌ స్టైల్‌గా నడుచుకుంటూ వస్తూ చెప్తున్న డైలాగ్‌తో మొదలైన టీజర్‌లో బోయపాటి మార్క్‌ స్పష్టంగా కనిపించింది. టీజర్‌లో సినీ నటుడు ప్రశాంత్‌ను ఎవరో బెదిరిస్తుంటే.. అతన్ని కాపాడేందుకు చరణ్‌ వెళ్తాడు. అప్పుడు చరణ్‌..‘రేయ్‌.. పందెం పరశురాం అయితే ఏంట్రా.. ఇక్కడ రామ్‌..రామ్‌..రామ్‌ కొణిదెల’ అని బల్ల గుద్ది చెప్తున్న డైలాగ్‌ హైలైట్‌గా నిలిచింది. ఆ టీజర్‌పై మీరు ఓ లుక్కేయండి…