మెగాపవర్ స్టార్ రామ్‌చరణ్‌-మాస్ చిత్రాల దర్శకుడు బోయపాటి శ్రీనివాస్ దర్శకత్వంలో తెరకెక్కుతున్న చిత్రం వినయ విధేయ రామ. డీవీవీ దానయ్య నిర్మాతగా సంక్రాంతికి ప్రేక్షకుల ముందుకురానుండగా ఇప్పటికే విడుదలైన టీజర్‌తో సినిమాపై అంచనాలను పెంచేశాడు బోయపాటి.
చెర్రీ సరసన కైరా అద్వాని హీరోయిన్‌గా నటిస్తుండగా ఈ నెల 26తో షూటింగ్ పూర్తికానుంది. డిసెంబర్ 27నే ప్రీ రిలీజ్ ఈవెంట్‌ని
నిర్వహించేలా ప్లాన్ చేస్తున్నారు.
డిసెంబర్ 27 సాయంత్రం 6 గంటల నుంచి హైదరాబాద్ లోని యూసఫ్ గూడా పోలీస్ గ్రౌండ్స్ లో ప్రీ రిలీజ్ ఈవెంట్‌ని ఘనంగా
నిర్వహించనున్నారు. ఇదే వేదికపై ట్రైలర్ ను రిలీజ్ చేయనున్నారు.
విలన్‌గా బాలీవుడ్ నటుడు వివేక్ ఒబెరాయ్ నటిస్తుండగా స్నేహా,ప్రశాంత్ కీలకమైన పాత్రల్లో కనిపించనున్నారు. ఇప్పటికే ఫస్ట్ లుక్‌,టీజర్‌తో సంక్రాంతి రేసులో ఛాలెంజ్ విసిరేందుకు వస్తున్న చెర్రీ ఈ సినిమాతో మరో బ్లాక్ బస్టర్ హిట్ కొట్టడం ఖాయమని సినీ ఎక్స్‌పర్ట్స్‌ అంచనా వేస్తున్నారు.
