సూపర్ స్టార్ రజనీకాంత్ -త్రిష కాంబినేషన్‌లో కార్తీక్ సుబ్బరాజు దర్శకత్వంలో తెరకెక్కుతున్న చిత్రం పెట్టా. అనిరుథ్ సంగీతం అందిస్తున్న ఈ చిత్రంలో సిమ్రాన్ కీలక పాత్రలో నటిస్తుండగా సంక్రాంతికి ఈ సినిమా ప్రేక్షకుల ముందుకురానుంది.
సినిమా ప్రమోషన్‌లో భాగంగా విజయ్ సేతుపతి లుక్‌ని విడుదల చేసింది చిత్రయూనిట్. చేసిన ప్రతి పాత్రలో వైవిధ్యాన్ని ప్రదర్శించే విజయ్…ఒంటిపై గాయాల‌తో చేతిలో తుపాకితో పోస్ట‌ర్‌లో క‌నిపిస్తున్నాడు. జితు అనే పాత్రలో విజయ్ అలరిస్తారని చిత్ర యూనిట్ చెబుతోంది.
కార్తీక్ సుబ్బరాజు దర్శకత్వంలో తెరకెక్కుతున్న ఈ చిత్రంలో నవాజుద్దిన్ సిద్దిఖీ , సిమ్రాన్ , త్రిష , మెగా ఆకాష్ ముఖ్య పాత్రల్లో నటిస్తున్నారు. రీసెంట్‌గా విడుదల చేసిన లిరికల్ సాంగ్‌కు మంచి రెస్పాన్స్ వచ్చింది. ‘ మరణ మాస్’ అంటూ సాగిన ఈ పాటకు తమిళ రాక్ స్టార్ అనురుధ్ అదిరిపోయే మాస్ బీట్ ఇచ్చారు.
