‘అర్జున్ రెడ్డి’ సినిమాతో అతి తక్కువ కాలంలోనే విపరీతమైన పాపులారిటీని సొంతం చేసుకున్న యంగ్ హీరో విజయ్ దేవరకొండ. ఈ సినిమాతో ఆయనకు ప్రత్యేకమైన గుర్తింపును తీసుకొచ్చిందనే చెప్పాలి. అతి తక్కువ బడ్జెట్‌తో తెరకెక్కిన ఈ సినిమా సూపర్ హిట్‌ టాక్‌ను సొంతం చేసుకుంది. ఇక ఈ చిత్రం అనంతరం విజయ్ స్టార్‌డమ్ అమాంతంగ పెరిగిపోయింది.
ప్రస్తుతం వరుస సినిమాలతో బిజీగా మారిన విజయ్ టాక్సివాలా సినిమాలోనటిస్తున్నారు. ఈ సినిమానే కాకుండా అలనాటి నటి సావిత్రి జీవిత కథ ఆధారంగా తెరకెక్కుతున్న చిత్రం ‘మహానటి’. ఎవడే సుబ్రహ్మాణ్యం సినిమాతో దర్శకుడిగా పరిచయమైన నాగ్ అశ్విన్ ఈ సినిమాకు దర్శకత్వం వహిస్తున్నారు. ఈ సినిమాలో సావిత్రి పాత్రలో కీర్తీ సురేష్ నటిస్తుండగా, సమంతా, విజయ్ దేవరకొండ ఓ ప్రత్యేకమైన పాత్రలో నటిస్తున్నారు.
ఇక విషయానికొస్తే..తాజాగా ట్విట్టర్ వేదికగా తన అభిప్రాయన్ని పంచుకున్నాడు విజయ్. ‘మహానటి’ చిత్రంలో సమంతా, విజయ్ నవ్వుతూ ఉన్న ఫోటోను పోస్టు చేస్తూ ఓ కామెంట్‌ను కూడా పెట్టాడు. ‘జీవితంలో నా పర్పస్ ఒక్కటే… నవ్వుతూ నవ్విస్తూ ఉండాలి’ అని ట్విట్ చేశాడు. దీనికి విజయ్ అభిమానుల నుంచి కామెంట్స్ వెల్లువగా పెడుతున్నారు.
My only purpose in life.
Live. Have Max Fun. LAUGH! pic.twitter.com/toAsj04Xem— Vijay Deverakonda (@TheDeverakonda) May 3, 2018
